酒鍋 (V Point) (已結業)

酒鍋定時定候都會有新意思，之前去過都覺得幾正！貪佢環境闊落坐得舒服，仲有無敵靚夜景！每人三，四百就享受到，值得推介。今次叫左抗疫先鋒包有4款唔同口味湯底，四川麻辣夠香夠濃！非常風味，食得辣不得不試；杏汁白肺湯，雪耳清爽，好滋潤養生；蕃茄洋蔥豬展湯味道到位，清新鮮甜夠健康；胡椒豬肚花膠湯大量豬肚煲得夠綿滑！真係各有特式。配料圍住湯底，成件事好靚，岩哂打卡。黑毛和牛卷成花，色澤紅潤，質感嫩牛香重，好好食。黑松露蝦蟹餃，松露香味 撲鼻而黎，餡料夠飽滿， 皮又夠薄非常高質。其他餃都好正，大隻夠抵食。秘製麻辣鴨血，味道好正夠哂刺激，鴨血質感夠滑又入味。麻辣響鈴， 即叫即炸，新鮮脆卜卜！麻辣香而不膩，創新配搭。