影片
更多
2015-01-31
5676 浏览
一次过玩完嘉年华+摩天轮！我同肥髀都散晒！仲非常肚饿！在最近ifc揾食，见呢间食物几特别！不过要揾到上去平台花园嘅电梯都几难，我在ifc前后要问两个职员自揾到（不过商场好细心，职员总有一个响左近）去到门口，个玻璃屋已经好吸引，见入面几满，都担心会无位（星期六无订位）好在店员话只要9时交枱都有二人枱（当时7时半）我都唔系倾偈！所以无问题！被安排坐近门口一张二人枱，枱与枱好密，基本上成餐饭我都听住隔离枱两个人倾偈！楼底好高，所以人多都唔嘈杂，灯光昏暗（影食物相要开闪光灯，好唔好意思）枱面有烛光！装修简洁唔花巧！欣赏餐具除刀叉之外有比埋木筷子（唔系即弃筷子）可能佢嘅食物带啲东南亚风！我一向钟意用筷子多啲（连食薯条都用筷子，唔会叉断好方便）我稳阵一早睇定食家推介，食物选择唔算多！全英文餐牌，菜名好详尽英文介绍！Crispy Fries($68):即叫即炸，热到辣咀，薯条外脆内软，重要好干身，重薯味，用个迷你炸篮上菜好特别，不过薯条唔系主角！个松露沙律酱先至系卖点，好滑好香松露味，配薯条食绝配！食到停唔到口！连平时坚持唔点酱嘅肥髀都点酱食！Rice Paper Roll($108):好特别，米纸
一次过玩完嘉年华+摩天轮！我同肥髀都散晒！仲非常肚饿！在最近ifc揾食，见呢间食物几特别！不过要揾到上去平台花园嘅电梯都几难，我在ifc前后要问两个职员自揾到（不过商场好细心，职员总有一个响左近）去到门口，个玻璃屋已经好吸引，见入面几满，都担心会无位（星期六无订位）好在店员话只要9时交枱都有二人枱（当时7时半）我都唔系倾偈！所以无问题！
被安排坐近门口一张二人枱，枱与枱好密，基本上成餐饭我都听住隔离枱两个人倾偈！楼底好高，所以人多都唔嘈杂，灯光昏暗（影食物相要开闪光灯，好唔好意思）枱面有烛光！装修简洁唔花巧！欣赏餐具除刀叉之外有比埋木筷子（唔系即弃筷子）可能佢嘅食物带啲东南亚风！我一向钟意用筷子多啲（连食薯条都用筷子，唔会叉断好方便）我稳阵一早睇定食家推介，食物选择唔算多！全英文餐牌，菜名好详尽英文介绍！
Crispy Fries($68):即叫即炸，热到辣咀，薯条外脆内软，重要好干身，重薯味，用个迷你炸篮上菜好特别，不过薯条唔系主角！个松露沙律酱先至系卖点，好滑好香松露味，配薯条食绝配！食到停唔到口！连平时坚持唔点酱嘅肥髀都点酱食！
Rice Paper Roll($108):好特别，米纸包住烟三文鱼、虾、红菜头、香草！香草味道好重，不过好钟意九层塔香味！好清新！我以为肥髀会唔钟意，点知佢又食！
Beef Burger($148):卖相靓，牛肉汉堡我要5成熟！不过出来好像over了！有肉汁但比较硬！面包煎过松软，索晒肉汁好味！最惊喜反而系伴碟嘅酸菜，好爽口酸味清爽！清减晒牛肉嘅腻，沙律以带苦味嘅菜为主，配清新柚子酱食！好味！
Lychee & Rose Twist($52):样子好靓，荔枝味清新，茶味清爽，带点柠檬酸好味！解腻一流！食物唔错，服务更令人感动，店员好勤快，有礼兼亲切！我两人个大袋！店员攞个手袋挂枱勾比我，又帮肥髀放好个好占位嘅汽球伞！今餐食得好顺心！
张贴
