仙跡岩 (西寶城)

营业中

休息中

「仲记得中学时会约埋成班同学去饮仙迹岩嘅珍珠奶茶......」坐喺西环西宝城仙迹岩，一路听住A姐咁讲，我都一路回忆起属于我嘅仙迹岩童年。原来1994年仙迹岩就开咗香港首间分店，那些年嘅第一杯珍珠奶茶，你还记得吗？三色小点小食有香口同皮微甜嘅鸡中翼、入味嘅卤水蛋同弹牙无雪味嘅炸虾丸。台式猪颈肉卤肉饭卤肉份量不多不少，咸香味重，捞饭一流。而猪颈肉大块厚切，外皮微脆，份量唔少。牛筋牛肉面汤底呈现深啡色，应该用咗大量牛肉肴制而成。而牛筋烟烟韧韧，充满住骨胶原；而牛肉味香浓。系一碗有份量嘅台式牛肉面。花生风味吐司台湾吐司系我嘅最大回忆，香脆嘅厚多士，配上花生酱，微微烘过，口感唔错。芒果果味珍珠红茶芒果红茶，唔会太甜。加埋Q弹嘅珍珠，真系好解喝。双料朱古力雪葩我M佬话嚟到仙迹岩，识饮梗系饮双料朱古力雪葩。朱古力特别香浓又够滑，出面真系饮唔到㗎。