百芳池上便當 (Mikiki)

营业中

休息中

一田大减价，一年一度嘅盛事我梗系要去凑热闹啦！好钟意去 Mikiki 的一田超级市场，因为买完战利品转过弯就可以去食台式便当。慢卤猪手便当 $62🍱购物战斗完之后劲肚饿，需要淀粉质充饥，加上想吸收下骨胶原，就食咗个慢煮卤水猪手，肉质鲜嫩多汁，肥瘦均匀，卤水汁味道浓郁。白饭粒粒饱满，而且仲有每日精选配菜三款，有我最喜欢的辣辣菜莆。卤水蛋半只咸香味俱全，食过返寻味。红烧牛丸牛筋面 $59红烧汤面系列又系一定要试嘅，如果食得辣仲可以转麻辣汤底添。汤底清甜，牛丸粒粒好似乒乓波咁大，弹牙多汁，牛味浓郁。牛筋炆得软淋入味，台湾面挂汁好，吸收晒汤精华。台湾夜市香肠 $22净系睇个名已经令我挂念台湾师大夜市，台湾夜市香肠皮脆肉松，肥瘦均匀，好味到飞起。芝士奶盖玫瑰铁观音 跟餐仲可以upgrade特色台茶，芝士奶盖不能错过, 玫瑰清香，铁观音 好味。芝士奶盖红莓果茶我忍唔住加了芋圆，Q弹粉嫩，红莓果茶带果香，酸酸甜甜好开胃。