肯德基家鄉雞 (KFC) (已結業)

一份美味而饱肚既早餐系非常之咁重要, 尤其我呢类苦命打工仔。每次上山顶工作前, 我都会到金钟海富中心食个KFC早餐先。由于前一晚天气太热, 搞到我饮太多水, 食得唔够, 所以我一朝早就叫个珍宝早餐全餐, 盛惠$38, 仲用KFC会员储埋积分咁话。咁我就用自助收银机比钱啦, 比完钱坐低等个MON叫号码, 我就1745。鬼整佢, 1744, 1746, 1747, 系无1745, 我出到柜台谂住揾个靓女姐姐理论架啦, 点知原来我个餐一早到左, 真系差D吹鸡CALL马, 咁我见自己唔岩, 紧系即刻笠水拎餐走人啦。好啦, 入到正题, 食个午餐肉通粉, 再食件多士, 再食薯饼同肠仔, 最后埋牙食炸鸡扒。KFC我就食到大既, 连佢落几多炸粉份量我都食得出, 不过今次条肠仔太咸, 唔知系咪金钟外国人多, D肠仔都要迎合返外国人既咸口味, 其他野都KEEP到水准。