發哥粥底海鮮火鍋 (已結業)

行開apm,涷涷地想去打邊爐，喺openrice search 到有間海鮮粥底打邊爐，所以去試吓，喺apm行去都好近，入面座位好闊，坐得好舒服。佢地有自選幾個餐，首先我地叫個海蟹餐，呢d套餐包咗都好多海鮮，分別有蝦、蟹、卜卜蜆、多寶魚、帶子、聖子，鮑魚（2款選一款）、安格斯牛肩肉，仲有8款火鍋配料任選，非常抵食。2款餐前小食，花生同拍青瓜姫松茸燉雞湯，呢個燉湯好足料，大量雞燉制而成，飲落好濃郁。泰式焗青口，焗得啱啱好，唔會overcook,青口仲好juicy。出面有自家制嘅竹庶水，最特別有好多日本果汁飲品珍寶海鮮盤終於黎啦，d海鮮都好新鮮，鮑魚仲活生生，而帶子勁大隻，店員好清楚講比我地知，每樣食物煮嘅時間，好貼心。安格斯牛肩肉，好濃牛肉味，唔太見，入口即溶，而炸魚皮炸得好香脆。牛丸，爽口彈牙，台灣黑椒腸，甜甜辣辣好好味。滑雞件，好嫩滑，自家制韭菜餃，塊皮好煙韌，入面d韭菜勁多，好好食。最last緊係將d海鮮精華煮粥啦，個粥底有菜脯，芫荽同蔥，放落去煮幾分鐘可以食得，實在太鮮甜，忍唔住食咗幾碗。