茶樂 (已結業)

前排on diet忍口唔饮台式饮品，奈何行街行到口淡淡，街角又见到呢间有咁多唔同味既珍珠，真系好难忍！佢地嘅手作珍珠系列，配上自家出品特别口味珍珠，例如有『樱花珍珠』、『芒果珍珠』、『白玉珍珠』、『火龙果』、『焦糖珍珠』，睇落已经相当吸引！喺主menu外，原来仲有『紫薯珍珠』配芋头饮品，紫薯配芋头，应该都非常浓郁香甜。主要吸引到我的，系『桂花手作珍珠』，好钟意桂花香味，今次融合了珍珠，创意爆灯！忍口咁耐，始终都系要饮番杯经典珍奶！『皇牌琥珀珍珠奶茶』，有得拣茶底，但喜爱乌龙既我竟然唔记得左拣，算啦！饮番红茶都好香。第一啖饮落口，有惊喜㖞！饮落去奶茶系冻既，而珍珠系新鲜热辣辣煮好，冷热交融，好正！新鲜煮好既珍珠真系好软好烟韧，暖笠笠，又充满焦糖味，好正呀！朋友饮荔枝椰果乌龙加桂花珍珠！桂花珍珠又系热辣辣做俾我哋，烟韧到好似食桂花糯米糍！桂花香味刚好，仲见到杯入面有桂花添呀！配埋椰味，令到成杯茶口感都好丰富，其实饮台式饮品，都系为咗有嘢𡁻下，过下口瘾咁啦！琥珀系列仲有。。。提供埋饮法，hastag 埋仲有机会饮多杯添呀！想试多d特式珍珠，推介「茶乐」！