豆乳狂人 (已搬遷) 新店位置

豆乳狂人 沙田前两日师奶仔同朋友去野餐，喺佢屋企楼下见到呢间几新颖嘅铺头，入去发觉佢啲嘢食好吸引😍几个人就即兴买咗啲小食去食🤣多芒小丸子朋友叫嘅呢个超好食😍上面嘅芒果大大粒！好鲜甜！好新鲜！入面仲有西米、小丸子、同埋好香嘅芒果汁😝好食！黄金脆脆豆乳茶呢个我叫嘅！上面嘅黄金脆脆系用咸蛋黄做成，入面材料好丰富！有珍珠、西米、奶盖、白玉😝最好系有得嗌走甜，好适合唔系太钟意甜嘢嘅我，叫完走甜成杯嘢饮唔系太甜，好饮😋炸鸡软骨呢个系超级超级好食！细细粒嘅鸡软骨，配上椒盐，简直一粒停唔到口！滋润之选入面有芋泥、桃胶、西米、芋圆、今完超级饱🤣🤣第一次食呢间嘢，但系估唔到有惊喜！希望佢迟啲开啲分店，更加可以方便买到！又有益嘅手摇饮品，绝对系珍珠奶茶之外嘅另一选择😋😋