丸·茶手作 (已結業)

当珍奶店开到成巷成市，个个争梗最佳黑糖珍奶嘅时候，呢间丸．茶手作就聪明得多，自己行条新路出嚟。呢度有多款珍珠拣 (+$6)，唔加珍珠嘅话大部分茶都平过其他舖头好多，但珍珠真系必必必加！今次试咗芋香奶茶+黑芝麻珍珠同埋铁观音奶茶+桂花珍珠。茶嚟讲比较钟意铁观音奶茶，因为茶味比较浓，真系饮得出系咩茶叶。而桂花珍珠有啲似酒酿丸子，丸子本身冇乜味，但侧边嘅桂花糖水就好清香，所以加呢款珍珠嘅时候要念吓衬唔衬你款茶。而芋香奶茶味道都算浓，杰身饱肚少少，但就打到啲芋头碎晒，食唔到肉有啲可惜。但黑芝麻珍珠真系超正！味道就同芝麻糕一样，食得到黑芝麻粉。珍珠十分黏韧，形状不一，证明唔系机制。