影片
更多
2014-05-12
6458 浏览
LaVilla嘅半自助午餐一直好想试，喺因为有位朋友试过之后，极力推荐，唔止抵食，虽然唔及酒店嘅自助午餐咁多嘢拣，但胜在质优。趁老婆生日，一于星期六过嚟撑枱脚，庆生日 。LaVilla位处尖东尖沙咀中心，靠向梳士巴利道，面向维港。虽然有唔少露天位，其实感觉喺好开扬，不过，一来喺地铺，睇唔到咩景；二来食正马路，车流量唔少，费事吸废气；三来今日天气有啲闷热，坐入室内舒服啲 。因为餐厅开晌商场之内多个铺位，所以，布局好奇怪 。踏入门口，晌商场通道之上，一边喺厨房、水吧，另一边喺用餐区，红白餐枱布，配衬深啡木椅，挨墙一整列酒架，虽然喺日头，睇唔到室内灯光效果，但从天花所装嘅都喺定点射灯，大概都知喺有气氛为主，一派意大利风情。而我哋则被安排入另一个「铺位」嘅「厢房」，一睇就知依个喺用嚟被人包场搞活动用，有晒投射机，灯光又炫幻，用上透明玻璃枱，跟之前提及个用餐区嘅布置大庭相径、格格不入 ，所以，先至话佢布局奇怪！之但喺，依边地方阔落啲，枱又大张啲，只喺「光撑撑」，欠缺气氛啲 。半自助午餐嘅形式，可以只食前菜及甜品，收费$158 + 10%，若加多一客主菜，视乎所拣主菜而定，定价为$188
因为餐厅开晌商场之内多个铺位，所以，布局好奇怪 。踏入门口，晌商场通道之上，一边喺厨房、水吧，另一边喺用餐区，红白餐枱布，配衬深啡木椅，挨墙一整列酒架，虽然喺日头，睇唔到室内灯光效果，但从天花所装嘅都喺定点射灯，大概都知喺有气氛为主，一派意大利风情。
而我哋则被安排入另一个「铺位」嘅「厢房」，一睇就知依个喺用嚟被人包场搞活动用，有晒投射机，灯光又炫幻，用上透明玻璃枱，跟之前提及个用餐区嘅布置大庭相径、格格不入 ，所以，先至话佢布局奇怪！之但喺，依边地方阔落啲，枱又大张啲，只喺「光撑撑」，欠缺气氛啲 。
半自助午餐嘅形式，可以只食前菜及甜品，收费$158 + 10%，若加多一客主菜，视乎所拣主菜而定，定价为$188、$218、$248 + 10%，另包餐饮一杯。其实只食前菜及甜品，我哋都觉得已经好足够，不过，都想试佢一款主菜，所以拣咗个中价位嘅意式海鲜饭。
香草蒜蓉包．椰菜花忌廉汤甫坐低无耐，就送上一小篮香草蒜蓉包，用餐巾包著，保持温热，个蒜蓉包OK无话有咩惊喜，反而，有一小碟黑橄榄碎，用嚟涂法包，就比较有心思 。而蒜蓉包喺可以再添食，向侍应要求就可以嘞。
西兰花忌廉汤就饮得多，但是日餐汤喺较少见嘅椰菜花忌廉汤，餐汤唔喺由侍应送上，而喺放晌出面食物区自取。椰菜花本物味淡，所以，个汤嘅味道唔突出，个人觉得麻麻，无乜睇头。
而食物区，两张长枱一眼睇晒，一张主要放沙律、冷盘及肉肠。但觉得佢个摆位都几唔逻辑，成张枱由右至左喺（唔计个餐汤）：沙律菜及酱汁、几款预制好嘅沙律、冻甜虾、杂绵肉肠、烟三文、吞拿鱼、沙律配料（粟米粒、车厘茄……），最觉得怪就喺啲沙律配料放到尾，而唔喺放晌沙律菜侧边。至于另一张长枱，则主要放置生果及甜品。
自助沙律吧．配料放晌枱头嘅沙律菜只有两款：罗马生菜及紫生菜，反而，酱汁有多啲选择：凯撒、意大利油醋、千岛及法汁，不过，若以质素而言，依几款酱汁无疑喺普通啲，只可以讲喺人有我有。放晌枱尾嘅配料，亦未见吸引：粟米粒、车厘茄、雅枝竹、青瓜条、橄榄及甘笋丝。
预制沙律 自助沙律吧认真麻麻，倒觉得预制沙律不俗，一共有4款供应，包括薯仔沙律、华都夫沙律、蟹籽青瓜丝沙律、芒果木瓜虾沙律。后两者无论调味，抑或配搭，都有水准。
冷盘 上文都提过有4款冷盘，分别有冻甜虾、杂绵肉肠、烟三文、吞拿鱼。甜虾比较细只，但鲜甜，所以，有翻兜 ；烟三文及吞拿鱼亦都好食，软绵油润，尤其吞拿鱼，加咗黑椒，又喺厚切，口感丰富 。
因为选择唔太多，可以将上述所以款式食材，共冶一炉，自家制一大碟包罗万有嘅头盘，一次过试晒。
意式海鲜饭一向都有少少钟爱食意大利饭，所以，主菜就拣咗「意式海鲜饭」。卖相讨好，尤其海鲜食材真喺好有睇头，煎大虾、墨鱼仔、鱼柳、带子，绝对唔喺碎湿湿货色，而且味道鲜甜，完全无欺场，相信散叫都值过百大洋 。好可惜，美中不足就喺个饭，问题一喺无一向意大利饭𠮶种湿润，问题二喺饭粒唔咬口 ，而喺黏糯，口感似食日本米，向侍应求正，佢帮我问过大厨，回覆竟然就喺珍珠米嚟 ，无晒意大利饭嘅神髓，仲要食落感觉喺一大煲煲好之后，就咁直接用。
沙律、冷盘不过不失，主菜就有啲失望，剩落嚟嘅甜品又喺点呢？生果碟
未讲甜品，顺便讲一下生果，主要有菠萝、西瓜及哈蜜瓜，搭少少火龙果及蓝莓做装饰。菠萝就食得最多，因为喺新鲜货，其他嘅，OK啦！
甜品 阵容其实算唔错，有过10款选择，有时一啲自助午餐嘅供应都喺差唔多，全部甜品包括：法式炖蛋、杂果啫喱、芒果布甸、意式奶冻、意大利芝士饼、美式芝士饼、班尼士、朱古力泡芙、朱古力慕丝、自家制雪糕及雪葩。
法式炖蛋 – 有水准，面层焦糖焦香薄脆，炖蛋味浓香滑；杂果啫喱 – 无试，后尾换咗啲朱古力蛋糕仔，一般般；
芒果布甸 – 味道OK，但个人觉得质感有啲实，变咗似奶冻；
意式奶冻 – 推介，富奶香，软滑挺实；
意大利芝士饼 – 亦都推介，芝士软绵，手指饼够酒香，又带咖啡味；
美式芝士饼 – 以Oreo做饼底，较常用嘅消化饼嚟得有新意，芝士味超浓郁，正；
班尼士 – 够实净，咁先喺「班尼士」嘛，朱古力味浓，又满满大粒合桃；
朱古力泡芙 – 改用朱古力浆代替吉士或忌廉，特别啱老婆口味，当然，小弟都钟意；
朱古力慕丝 – 比较正路，无咩差错嘅出品。
综合而言，甜品晌本质上有一定水准，不过，都喺较常见、大路、做法简单嘅种类，对比起一啲酒店级提供嘅甜品，无疑喺输蚀咗少少，但喺，绝对满足到大部份人嘅需要 。
自家制雪糕及雪葩红桑子雪葩 – 色泽诱人，酸香醒神；
血橙雪葩 – 话血橙味，但「血橙」只占啲雪葩丁点部份，根本食唔出血橙味，此外，雪葩做得太冰。谂住特别，老婆都要番一球，不过，大家都极为失望；
云呢嗱雪糕 – 嫌佢普通，无试，故不作评论；
盐味雪糕 – 甜与咸晌口腔之间游走，感觉又几有趣，而且，雪糕质感柔滑。
虽然喺自家制，有诚意，奈何质素未见好突出。
最后，老婆要杯热柠水，小弟要杯即磨咖啡作结，咖啡用上意大利Lavazza品牌，好醇香 ！
值得一提，服务方面几抵赞，负责我哋一枱嘅女侍应，会主动问我哋需唔需要再添啲香草蒜蓉包；晌落单时，又问定我哋想几时上主菜，又或有需要上主菜时通知佢，唔喺求其做好主菜就送嚟当交咗功课就算。此外，有关个主菜嘅「意大利饭」，佢都好有心帮我哋问个厨，虽然个回覆比较意外。整体而言，啲嘢唔喺差，部份有水准，不过只喺被朋友猛赞，有所期待，而结果只不过未及预期啫！
张贴
