影片
更多
2017-09-21
1319 浏览
今朝要覆诊抽血，零时起冇嘢食，九点去到西营盘人山人海，搞到几乎十一点，噢！好肚饿。西隧贵旧隧塞，谂住行东隧，东廊途中湾去模范邨去好耐冇去嘅津津。泊车周围都满又搞一轮。话说好耐以前我仲系公务员𠮶时，间唔中都要上堂，上衬都系嚟北角政府合署，若果有老世或一大班同事就通常饮茶，但若一条佬就一定嚟津津食盐焗鸡饭。次次都系座无虚席，所以真系只有一条佬嚟先插到针！今日卡窿时间嚟到所以先咁少人，仲嗌早餐？唔系啩？趁住就大寿一于食豪D：盐焗鸡肶珍肝饭、例汤。(一偿永合隆冇鸡什相思之苦)哇！您睇睇个饭，D珍肝真系满到泻咁滞，好在我胆固醇冇事，鸡肶当然滑，而且又香又够味。同永合隆撞汤，都系煲猪肺，不过津津系金银菜 — 菜干+白菜 — 而且除咗猪肺仲有猪肉，比较下津津个汤浓D合隆个汤清D，真系各有各好，有时钟意艳丽有时又爱清纯嘛。作为一个brunch，呢餐够perfect！承惠72！系就系仲贵过永合隆，不过又食肶又加肝，系咁上下啦！
西隧贵旧隧塞，谂住行东隧，东廊途中湾去模范邨去好耐冇去嘅津津。泊车周围都满又搞一轮。
话说好耐以前我仲系公务员𠮶时，间唔中都要上堂，上衬都系嚟北角政府合署，若果有老世或一大班同事就通常饮茶，但若一条佬就一定嚟津津食盐焗鸡饭。次次都系座无虚席，所以真系只有一条佬嚟先插到针！
今日卡窿时间嚟到所以先咁少人，仲嗌早餐？唔系啩？趁住就大寿一于食豪D：盐焗鸡肶珍肝饭、例汤。(一偿永合隆冇鸡什相思之苦)
哇！您睇睇个饭，D珍肝真系满到泻咁滞，好在我胆固醇冇事，鸡肶当然滑，而且又香又够味。同永合隆撞汤，都系煲猪肺，不过津津系金银菜 — 菜干+白菜 — 而且除咗猪肺仲有猪肉，比较下津津个汤浓D合隆个汤清D，真系各有各好，有时钟意艳丽有时又爱清纯嘛。
作为一个brunch，呢餐够perfect！承惠72！系就系仲贵过永合隆，不过又食肶又加肝，系咁上下啦！
张贴
