粵珍

营业中

休息中

P哥E神周末出咗黎湾仔蒲，即兴地相约肥肥家族晚聚，一访屋企附近开咗一年左右嘅「粤珍」。楼上中菜厅简洁企理，优雅大方，散座空间感足。墙上挂出嘅书法字画自然流露出中国风。六人被安排入座私人厢房，有专人服务，相当周到。每位席上都摆有齐备嘅自用及公用餐具。厚本餐牌共有十三页之多，中英对照，简单易明。椒盐鲜鱿（$240/例）：炸至金黄嘅椒盐鲜鱿皮层酥化香脆，鱿鱼爽弹有嚼劲，微辣惹味，送酒一流！香煎莲藕饼（$200/例）：莲藕饼混入嘅猪肉、莲藕同马蹄比例恰到好处，软润中带著爽脆，煎得火候够，怀旧粤式点心香口尤甚。焗酿鲜蟹盖（$220/只）：胀卜卜嘅蟹盖相当足料，脆皮下嘅蟹蟹啖啖都系肉，厚润嫩滑，鲜甜无比，捞入鲜爽嘅洋葱足以增添清爽，P哥最欣赏传统菜式冇用芝士同白汁，一人一件都唔觉溜。大红脆皮乳猪（$880/半只）：乳猪原来可以叫半只，六人用餐份量啱啱好。乳猪当真如𩠌名般脆皮，咬落轻巧松化，夹上包包后再轻轻点上甜酱已够可口。手撕二度嘅乳猪肉柔润软嫩，另一种口感嘅无穷滋味！蟹肉桂花炒虾丝（$300/例）：劲似炒桂花翅嘅蟹肉桂花炒虾丝鲜黄亮丽，当中嘅虾丝切到同芽菜一样咁幼身，炒得够干身嘅功夫菜鲜爽热辣，