Coffee Talks (已結業)

朋友带左我嚟呢间位于旺角既coffee talks，顺便温书、倾project。环境相当舒服，尤其是我坐系梳化椅上。天花板用左木板假天花。啡色既家具同灰色墙非常合衬。钟意Egg Benedict既朋友万万不能错过呢个厨师精选，名叫Egg Benedict Premium Beef Burger。呢个套餐除了汉堡本身之外，仲有炸薯条和意式沙津，分量可谓十分足够。面包外层轻脆内里松软。牛肉牛味香浓，仍然多汁。轻轻一𠝹，半熟既蛋黄慢慢流落牛肉同面包。荷兰汁口感松绵滑顺，综合味道非常棒。之后叫左特式拼盘大家一齐开心share，包括炸薯条，炸鱼柳条，袖子鸡翼，芝士条，三文鱼同帞尔码火腿。薯条同鱼柳条即叫即炸，热辣辣，外皮非常酥脆。餐厅非常用心，芒果乳酸沙冰上有一朵用芒果砌成既玫瑰，有别于一般餐厅卖相平平无奇嘅芒果沙冰。乳酸微甜，加上甜甜既芒果，令人精神抖擞。朋友叫左鲜奶咖啡，非常香滑。连牙签筒都咁别致，顶上印有拉花既图案。