Snow Peak Eat (已結業)

尋日去開銅鑼灣睇戲，睇完戲就梗係要食啲嘢啦。就行咗去希慎，聽人講嗰度有間flippers，食pancake嘅，去到點知好多人，咁就食咗正餐先啦。見到佢隔離新開左一間叫snow peak eat嘅cafe，就一於試吓啦。打開個餐牌，即刻見到我最鍾意食嘅日式咖喱牛肉飯，仲有Slow cold pressed orange juice，咁梗係不作他選啦。我個朋友就叫咗煙三文魚凱撒沙律，同埋蘋果汁，都係cold press嘅，好健康。不得不提嘅係，呢間小店好貼心，有USB充電位，等緊食物嘅同時就可以幫手機叉下電啦。講返啲嘢食先，個咖喱牛肉飯好入味，牛肉都好有口感，加埋啲薯仔同埋蘿蔔，真係Perfect池。但係個白飯就有少少敗筆，有少少濕。個凱撒沙律都唔錯，煙三文魚份量都好足。果兩杯果汁更加冇得彈，真材實料用生果整出嚟，有冇加糖，下次離開呢邊要Encore。