風月堂 洋菓子BAR (已結業)

香港人好多时都收工收得迟, 去到戏院睇戏通常都无咩时间再食晚餐, 只能急急赶赶随便食汉堡包。今日去荷理活睇戏, 就拣左系售票处对面的风月堂洋菓子BAR填填肚。既然餐厅叫得「洋菓子BAR」，Waffle班戟自不然成为主打，翻一翻餐牌，班戟有甜有咸；此外，仲有其他特制主食，如意粉、长通粉、意大利包等等。方便快捷。另一方面，亦提供好多款饮品，如UCC 虹吸咖啡、特饮、沙冰等等。 芝士烟鸡肉班戟 先讲班戟,见到店主熟练的手势, 三两下就整好饼皮，再加入芝士、烟鸡肉、生菜及沙律汁就大功告成。整体而言，味道唔错. 班戟薄而绵，富有蛋香，边位香脆, 不过生菜加热后会出水, 要快D食; 鸡肉比得多, 加热后的芝士可以拉丝, 拎上手劲有重量，卷起黎都有近成呎高，一个人食劲饱肚。 巴马腿法兰克福肠帕马森芝士长通粉 虽然小店系快食为主, 但长通粉仍然煮得烟韧, 挂满汁，白汁质感浓稠，内里又有法兰克福肠及巴马火腿，咸香提味, 整体好食。 至于饮品则叫了冻柠茶和柠水, 下次再试试其他特色饮品!