巴里島沙嗲Q (已結業)

某日收工后，食完饭，但发现唔多够饱，于是坐车过黎葵广揾下有咩食，原本见咁晏，都冇乜期望，原来喺食店都收得几夜。食左新嘅甜品店同小食之后，难免要揾野饮，近近地拣左呢间巴里岛沙嗲Q，我记得佢呢个位上手都系饮品店。冇详细睇佢有咩饮品供应，只系见到几亮眼嘅班兰珍多冰，就求其买杯试试，都系为左解渴。班兰珍多冰 $18饮品都几大杯，面层系淡淡地嘅绿色混合白色，底层因为有啲珍多条，所以系青绿色，比起成个葵广嘅饮品店，外形上确系冇咁吸引。用椰奶椰浆制成，加左啲班兰汁(?)、而珍多条系用班兰叶制成。饮落都系椰汁味，但椰味唔系太重，你问我系咪班兰味我都答唔到，实情我只系喺香港食过一次以班兰制作而成嘅甜品，唔知道何为正宗。胜在饮落啊系太甜，里面嘅珍多条比较幼身，口感似椰果，少少Q弹，但冇咩味。饮品冰感重，唔系打到完全碎哂果只。饮完都算解渴。