敏華冰廳 (新太陽廣場)

营业中

休息中

由年头开始，其实我哋都好少去出面食嘢，不过人始终要生活，间中都要出去买啲日用品。行到攰攰地总系想揾个地方食啲嘢、休息一阵。临近年尾，特别多湿碎嘢要添置，为咗争取时间，唯有匆匆忙忙喺附近揾间茶餐厅，食个下午茶餐再努力。我哋大概5:15入到餐厅，明白大家6:00都赶收工，所以我哋都第一时间落咗单先，我哋叫个个 #咖央多、#冻柠茶，再加杯 #咸柠七，食物陆续嚟到我哋面前，咸柠七都系很制成品，一定唔会有咩问题，但系份咖央多就认真麻麻，多士似一早整好，面包硬骨骨，又唔冻唔热咁好难食。加上几个阿姐不停喺我哋侧边拖地抹枱，又唔停口咁提醒我哋餐厅好快就要闩门（当时5:40左右），咁赶客嘅态度，唔怪得知成间餐厅都得我哋两个人帮衬啦😮‍💨下次真系咪搞我。