南小館 (已結業)

食上海野，感覺都要去d好舊的餐廳先有得食。南小館都算係新派的上海館之一。晚飯時間去到，等待的人比較多，但係如果肯選擇搭枱的話，原來可以好快就有位坐! 店內裝飾都唔係上海館，反而似西式茶餐仲多d。打開份memu，都係傳統的上海食品。當然一定要試下小籠包，雞扒擔擔麵，蒜頭炒菜心。侍應和廚房的效率好快，等左一陣就好快有得食。侍應都好細心講話，小籠包要即食，仲要小心裡面肉汁。講到咁樣，梗係要即刻試下先。小籠包 - 一籠有五隻，份量好多，食落口，夠熱，而且個皮唔會太厚，而且包得好好唔會穿，食小籠包最怕係未食個皮已經穿左呀。裡面又有好多肉汁。好好味雞扒擔擔麵 - 雞扒和麵分開上，個擔擔麵，辣味適中，個湯底好好飲。而且個麵，又唔會煮得太 "淋"，最重要係夠爽口。雞扒預先分開左上，所以唔會浸 "淋" 晒。件雞扒都炸得不錯，都算好食，但相比起個麵就比較遜色少少。蒜頭炒菜心 - 食落口，感覺上好有 "鑊" 氣，而且d菜唔會煮到老晒，但係又唔係太油。而且炒過蒜頭，好香口。相比起食物，侍應的服務真係最難忘。話說用餐期間，見到有大肚婆响門外等緊位，隨即就見到有侍應，搬張椅子出門口俾個位女仕坐! 呢種咁體貼的服務