添好運點心專門店

营业中

休息中

系大角咀奥运想饮茶食点心，我估好多人只会谂到茶楼，但又唔想排队等餐死？（我好怕食野要排队等好耐）其实行过少少去到地下有一间唔错既点心专门店添好运选择。呢间店铺装修格局唔同传统一般既茶楼，佢装修设计都好西式感觉。而且都算坐得舒服阔落。茶系传统茶楼一样，真系无分别咖，真系唔错，有翻饮茶嘅感觉。另外，岩晒我依啲中意食点心，又唔想等位等太耐嘅都市人，仲有佢既精致点心，食品款式唔太花巧，较传统的中式点心应有尽有，都值得一试，重要嘅系，佢拍得住茶楼之余，仲比某啲茶楼美味。虾饺皇、烧买、菜苗饺，粒粒虾饺涨噗噗好饱满，馅料系十分足料。我地仲叫左个凤爪排骨饭，排骨，生菜，甜品系桂花糕。真系料多到食到饱到食唔晒。茶位只系几蚊，我地两个人嘅茶位相等于茶楼嘅一个茶位，仲要无加一，净系计茶位，埋单都好划算，值得赞扬！！餐厅职员好nice 服务态度非常好，和蔼友善，成个用餐体验非常好，喺香港仲能够体验到咁好的用餐体验，机会真系少之又少呀！实属难得！