影片
更多
2013-10-06
193 浏览
被维园个大观园吸引了，要跨区一睹变色环保大地球既魅力。咁岩有大坑舞火龙，所以决定黎试下d餐厅。见到餐厅内布个大吊灯，有火车站既图片，而且条队又唔算长，所以决定考验耐性排下先，点知一等就四十分钟有多，因为餐厅面积都细....软壳蟹春卷当然用软壳蟹可以丰富到口感既层次，原意有外米纸软内炸软壳蟹脆既感觉。但实际个软壳蟹炸定架啦一定，唔热，软o 西。入面包左粉丝、红萝卜丝，生菜等，但蟹好细，所以食落都几寡咁架。猪扒捞檬猪扒有强烈香茅香料味，食落肉质够松软。檬粉实但唔弹牙，醋料整得几好，醒胃。牛油鸡翼热度十足，新鲜炸起，所以食落唔觉粉浆厚腻口既问题。但牛油味欠奉，味道靠旁边个D有椒盐味既蒜片/红葱头带出，所以食既时候系一定要夹住D蒜片/红葱头一齐食架：）鲜茄牛腩汤河上桌子见到咁红而且又系招牌货，一定好茄啦个味。点知饮一啖，又同想像既有出入，佢只系面头加左堆蕃茄酱，食落个汤其实茄味唔重，但有味精味既甜，不过D牛腩真系好稔，可能系因为佢系有筋有膜既牛腩!河粉太油太软，稔到夹起都有难度，expect挺身少少。其实除左去维园同睇舞火龙之外，o系呢间餐厅既经历同体验都足够我地笑一餐，真系好mcdull。我
咁岩有大坑舞火龙，所以决定黎试下d餐厅。
见到餐厅内布个大吊灯，有火车站既图片，而且条队又唔算长，
所以决定考验耐性排下先，点知一等就四十分钟有多，因为餐厅面积都细....
软壳蟹春卷当然用软壳蟹可以丰富到口感既层次，原意有外米纸软内炸软壳蟹脆既感觉。
但实际个软壳蟹炸定架啦一定，唔热，软o 西。
入面包左粉丝、红萝卜丝，生菜等，但蟹好细，所以食落都几寡咁架。
猪扒捞檬猪扒有强烈香茅香料味，食落肉质够松软。
檬粉实但唔弹牙，醋料整得几好，醒胃。
牛油鸡翼热度十足，新鲜炸起，所以食落唔觉粉浆厚腻口既问题。
但牛油味欠奉，味道靠旁边个D有椒盐味既蒜片/红葱头带出，
所以食既时候系一定要夹住D蒜片/红葱头一齐食架：）
鲜茄牛腩汤河上桌子见到咁红而且又系招牌货，一定好茄啦个味。
点知饮一啖，又同想像既有出入，
佢只系面头加左堆蕃茄酱，食落个汤其实茄味唔重，但有味精味既甜，
不过D牛腩真系好稔，可能系因为佢系有筋有膜既牛腩!
河粉太油太软，稔到夹起都有难度，expect挺身少少。
其实除左去维园同睇舞火龙之外，o系呢间餐厅既经历同体验都足够我地笑一餐，真系好mcdull。
我地：唔该飞天炒通菜
店员：通菜卖o西，无通菜
我地：一杯龙眼冰
店员：龙眼无o西
我地：又无咁要红豆冰
店员：红豆都无，不如我俾杯凉粉珍多冰你
(随后听到隔离既客人全部都只可叫青柠梳打)
真系无试过去一间餐厅想要既都无LOL
张贴
