茶聊

营业中

休息中

「茶聊」系一间隐身于朗豪坊附近工厦嘅楼上Cafe。Cafe嘅装修行工业风设计，灰色水泥墙身，用钢铁组成嘅一格格网状嘅装置好有艺术感，成个装置艺术咁，再配合埋灯光，好有型！Cafe内亦设有仙人掌主题嘅文青打卡位供人影相。 🧡脏脏紫薯鲜奶沙冰（$44）我系比依间餐厅嘅茶饮吸引去嘅，去到见到脏脏奶茶系列几乎每台必点。我都试咗cafe嘅脏脏紫薯鲜奶沙冰，成杯沙冰满到想倾泻而出，视觉效果好震撼，打卡一流！可以饮到好重嘅紫薯味同奶味，又唔会好甜，几好饮！$44咁大杯野饮，同埋都有质素，饮得又打卡得，值得推荐！🧡忌廉芝士蘑菇酿鸡翼（$78）忌廉芝士蘑菇酿鸡翼烤得好香口，内馅嘅芝士味好重，都几好食！🧡海鲜意粉配辣龙虾汁（$138）唯一有啲失望嘅系个海鲜意粉配辣龙虾汁！啲蚬应该无吐沙，只只蚬都食到有沙。啲虾都新鲜嘅，但就唔系特别入味，同埋意粉个口感怪怪，咁嘅质素卖$138，唔系咁值。