君蘭麵包廠

营业中

休息中

肥B同我一样都系面包控，早两日经开铜锣湾，见到以前喺火车站成日见到嘅君兰面包有间几大几靓嘅舖头开咗喺世贸对面。我梗系唔执输，买咗几样返去同肥仔分享吓啦。佢系现场烘焙，好似几新鲜，而且都有啲特别嘅款式。真菠萝包🍍系细细地嘅菠萝包，入边真系有块菠萝同埋有啲cream，呢个肥仔超级钟意，因为佢钟意酸酸地，第二日食返普通菠萝包嘅时候，佢仲话唔系呢个唔系呢个😂芝士粟米牛角包🥐呢个就系细包仔嚟嘅，芝士烧过沟埋粟米喺牛角包上边劲邪恶，但系好香好好味。仲有好多款唔同嘅口味。香芋麻糬牛角包🥐我本身都系芋泥星人嚟嘅，所以我觉得呢个好啱我口味，加上佢个麻糬好似系烧咗少少，口感几特别，食晒成个都唔会觉得滞。港式樽装奶茶呢个我冇饮，平哥饮既！茶底几好，亦都几够滑。而且又唔系好甜。有茶餐厅嘅感觉。双重芝士方包🍞我留咗第二朝早早餐，觉得佢都几松软。芝士都多，而且佢唔系芝士粒，系类似cream cheese嘅质地，一包$34有4块，食一块已经好够。