影片
更多
2023-04-01
1349 浏览
话说𠮶日就约咗两个朋友一男一女去呢间出晒名嘅蔡先生都有推荐过嘅泰国餐厅，又可以叫泰国香港式大排档。我本身都有少少期待，话晒都好似几多好评。咁位置方面都唔算话好偏僻嘅，但系由地铁站过去栋大楼呢都要行十分钟多啲嘅路㗎。脚骨力有咁上嘅朋友先好选择搭地铁，唔系嘅话一律建议搭巴士小巴去附近嘅地方落车。嗱，有去过街市熟食市场嘅都大概都知道个环境系点㗎啦，唔会有咩太大惊喜，唔会期望好似高级餐厅咁，却点知呢度就比咗我少少惊喜先。咁熟食街市就系响成座大楼嘅顶层嘅，底下两层都系卖菜肉鱼啦，无咩特别。哇，一入到嚟个熟食街市，第一个印象就好似去咗另一个国度咁，环境灯光黯喑，四四方方嘅布局，不同形式嘅嘅香烟向上飘，人流却绝无虚席，个个人都斯斯文文，又唔似街边深水埗啲大排档㖞，今次真系估你唔到。然后我系完全好似玩紧𠮶本游戏书咁揾紧𠮶个红白间条眼镜青年喺边度咁，最后我都系选择打电话叫佢挥下手，因为灯色真系有点儿昏喑。币啦，迟到，佢地已经等唔彻我就嗌咗几道菜先，不过我条脷一早就到咗啦，望望先……哦，分别系杂菜锅同生菜猪肉包，仲有个炒金边粉！望落就，要好近先望到👀卖相都唔错。首先就讲下个杂菜锅先啦，锅系中间有个烟囱，都
咁位置方面都唔算话好偏僻嘅，但系由地铁站过去栋大楼呢都要行十分钟多啲嘅路㗎。脚骨力有咁上嘅朋友先好选择搭地铁，唔系嘅话一律建议搭巴士小巴去附近嘅地方落车。
嗱，有去过街市熟食市场嘅都大概都知道个环境系点㗎啦，唔会有咩太大惊喜，唔会期望好似高级餐厅咁，却点知呢度就比咗我少少惊喜先。
咁熟食街市就系响成座大楼嘅顶层嘅，底下两层都系卖菜肉鱼啦，无咩特别。哇，一入到嚟个熟食街市，第一个印象就好似去咗另一个国度咁，环境灯光黯喑，四四方方嘅布局，不同形式嘅嘅香烟向上飘，人流却绝无虚席，个个人都斯斯文文，又唔似街边深水埗啲大排档㖞，今次真系估你唔到。
然后我系完全好似玩紧𠮶本游戏书咁揾紧𠮶个红白间条眼镜青年喺边度咁，最后我都系选择打电话叫佢挥下手，因为灯色真系有点儿昏喑。
币啦，迟到，佢地已经等唔彻我就嗌咗几道菜先，不过我条脷一早就到咗啦，望望先……哦，分别系杂菜锅同生菜猪肉包，仲有个炒金边粉！望落就，要好近先望到👀卖相都唔错。首先就讲下个杂菜锅先啦，锅系中间有个烟囱，都几正宗又好睇，方面啲热气集中向上排出，最后发现原来底下无火座热嘅，当堂失望咗，仲谂紧点解食落唔暖唔冻。而食材方面就有啲海鲜时菜粉丝鸡蛋之类，惊讶嘅系仲附赠埋蛋壳添（怕我地缺钙呀🤣好在系我位美女女性朋友食到，而唔系我中招。咁啲员工都好好，我地同佢反映完都肯唔收我地呢个锅嘅钱。其实呢个锅嘅味道就有啲普通，个人就比较喜欢冬荫公多啲，酸酸辣辣，如果钟意清淡又想补钙嘅话都可以不妨试下呢个锅。
生菜包
8 浏览
0 赞好
0 留言
到生菜包，呢一个生菜包亦都系我有生以来食过最为清淡嘅。
我将一小块生菜拎起，再不一匙羹肉碎喺上面，比较伦尽咁放晒落口，清爽嘅口感绿油油嘅视觉享受，伴随住酸酸辣辣嘅肉碎，准备一次过喺口中爆发同融合，仲有啲碎碎唔肯就范自己跳咗落张枱度。唔..酸味唔重，辣度都唔辣，猪肉腌调味都唔咸，生菜味都唔重，但脆嘅，香料呢？好似消失咗咁，基本上食唔出香茅辣椒等嘅香料味，辣度几乎0，味道……一开头第一口都几难形容，所以即刻食多啲先，试真啲个味。只可以赞嘅系好适合老人家细路仔食，而重口味人士就要注意一下，因为平时我食开嘅生菜包都系比较重咸重香料，所以呢道菜却比到我唔同嘅感觉，轻盈到食完好似无食咁。毕竟本人未去过泰国食生菜包，所以唔可以用𠮶边嘅做比较，只可能用仅有喺香港食过生菜包嘅经验做比较，就算同他国比较都好难，始终用水用食材都唔同，我地嘅口味又唔同，只可以用心而言，用味而评。
炒金边粉
19 浏览
0 赞好
0 留言
而金边粉方面，就同生菜包有异曲同工之妙，一字概之曰，清淡。但系比我想像中好食，皆因哥仔我就一般般食炒金边粉嘅，如果有得选择，一定系食汤金边粉，河粉。喺嚟之前我已经有做过事前预备睇下有咩食，当见到炒金边粉喺菜单度，我心里一早就pick走black list咗呢道菜。哎哟，千算万算又点估到𠮶两位朋友竟然喜欢炒金边粉呢，咁唔通唔食咩系咪先，好在，食落又不过不失。
三个大汉食完三道菜点会够喉，再嚟，串烧三拼，烧猪颈肉，肉食兽全面进场，啱啱食完菜饮完汤，食咗啲粉热咗个身，唔好比佢停。串烧点可以唔叫，但叫完又有啲想唔叫好过叫。因为三拼心理有啲唔平衡，食鸡，普通。食牛，嗯，几好。食番鸡先，普通，食串猪，唔错㖞。平平无其嘅串烧估唔到系食得到好复杂㗎，三个人食到最后一串嘅时间仲复杂，你推我争，啲肉连住晒，都唔知边个咬先好。
串烧鸡牛猪
15 浏览
0 赞好
0 留言
烧猪颈肉
6 浏览
0 赞好
0 留言
到猪颈肉，系至爱，去边间都一定要嗌嘅，重点可以系个汁，又可以系啲猪颈肉。色泽几好，唔会太㶶，表面红红啡啡嘅脆皮配合白suitsuit嘅肉，口水都流埋。闻落香味唔算话好强，食落肉质有肉味唔系好弹牙𠮶类，味道就一般，我嫌切得有啲薄。而个汁，就有比你有一种沾完仲想沾嘅食欲，食到最尾个底都有啲垫底菜，多数人就唔食嘅，我就属于睇心情唔浪费型，因为啲汁仲剩好多，啲猪颈肉油又令到啲菜望落十分亮丽，沾一沾个汁辣辣地几开胃又可以去嗌下一轮。
话晒都行咗几里路远，始终唔识路嚟，个肚一早就好似出嫁，打晒鼓。人多热闹嘅气氛食嘢都多啲嘅，食完两道肉后，好似差紧啲识游水又会喺油度畅泳嘅食物，我二话不说就嗌咗个炸虾冬甩。谂起𠮶个炸到金黄色脆口外皮内里热辣辣食到辣嘴嘅白suitsuit鲜味虾肉就唔止食指大动，连无名指都想动起来变舞名指。
食落偏腍，整个圈圈唔会好丰盈，肉质唔弹牙，虽然同我想像中有少少出入但都可以一嗌嘅，毕竟炸野真系好正，而且一定够热！好紧要。然后点下个酱又比到惊喜我开头谂住系普普通通嘅酱啦，点知食落竟然系甜？有啲似沾紧烧鹅酸梅酱咁，甜咸互相冲击，违和感似有若无，呢个新鲜感，认真为呢道菜嘅美中不足加唔少分。
芒果糯米饭
23 浏览
0 赞好
0 留言
到尾声大家都斋系倾谈都饱晒，何况前面仲食咗咁多肉，我地都一度考虑嗌咩嚟收尾好。望望隔离枱菜式众多，通菜？唔好唔好唔抵，凤爪？我唔食㖞，生虾？佢唔食㖞，所以经过几轮会议相讨过后，差啲要用锦囊打电话问家庭观众，好在最后都系一致决定食番个饭，虽然系饭，只不过系芒果糯米饭，嗌嘢唔使烦。
热热嘅糯米饭，淋上椰浆，配合芒果嘅酸，哇！好普通，不过糯米饭竟然系热嘅，有紫米有白米，几得意。
就系咁，呢一个晚上嘅温度就被糯米饭嘅热力覆盖咗。
6道菜2杯饮，现金结帐总共400蚊，人均133.3333333333。
张贴
