豪園麵家

营业中

休息中

今日收工同屋企人去左附近呢间餐厅食晚餐。每个餐都有例汤同埋白饭，适合想要家常小菜感觉嘅朋友。例汤仲要落足料，有瘦肉同鱿鱼。爸爸同妈咪叫咗个咸鱼鸡粒炒饭share食，虽然系碟头饭，但系都见得出用心。份量大之余咸鱼亦都好香，同时亦加咗唔小生菜炒，令到成碟饭变得健康咗。我同家姐叫咗一碟菜同一碟肉食，虾酱炒通菜虾酱非常之香，通菜亦都睇得出好鲜嫩翠绿，食落去亦都爽口。肉方面就叫做黑椒薯仔牛柳粒，黑椒味非常浓烈，同薯仔同埋牛柳粒配合得好好，薯仔炒到边位啱啱好有少少硬，同时牛柳粒又唔会炒得太过火，仍然稔身嫩口。买单计数都只不过大概$50一位，实在非常之抵食。