秋香 (康景花園)

营业中

休息中

秋香喺屯门都颇出名 每次问屯门牛有咩好食 朋友都会介绍 位置唔算方便要喺屯门站再转轻铁/巴士 不过食物质素好值得推荐！佢嘅装潢风格系偏现代化嘅居酒屋 颜色好丰富食物都好有创意架 尤其系煲仔饭！🍂金蚝白芦笋煲仔饭系餐厅嘅新品啲金蚝好肥美 手掌咁大 食半只都饱左一半再配上好清新嘅白芦笋成件事无咁腻 特别想赞吓个底嘅饭焦 不得了多到唔洗同人争！🍂烧羊架火侯啱啱火 无臊味 正！🍂澳洲和牛牛舌芯呢个超级大推荐！首先个好有咬口 烟烟韧韧嘅感觉 好香好Juicy 咬到中间会爆汁🍂自家制免治鸡肉棒比起以前食过𠮶啲大条好足料 配上生蛋黄同照烦酱汁 好惹味🍂百香果菠萝梳打🍂香橙乳酸青柠梳打两杯特饮都系夏日清新路线 入口唔会过甜 食串烧好易油腻 配上酸酸甜甜嘅梳打 可以中和返🌼仲有好多嘢食都想试 例如甲罗烧 仲有个是日餐汤睇落都好足料好吸引