Lockeroom Dining (朗晴坊) (已結業)

这间阿仙奴餐厅充斥住阿仙奴的各样物品，墙身嘅图案相片、饰柜内嘅纪念品、闪卡，就好似置身了球迷俱乐部，仙迷一定雀跃。晚市有不同套餐选择，价钱就百几二百几不等，每个餐包咗沙律、蒜蓉包、餐汤，沙律份量唔多，有酸醋令胃口大增，个人欣赏个餐汤，个汤唔会得水而系有质感嘅南瓜蓉喺入面，味道清甜唔错。《香草烧原只法国春鸡》虽说是春鸡，但size一啲唔细，一整只食会饱，不过烧鸡的肉嫩口又够 juicy，不知不觉就食晒，冇油腻感绝对good。《巴马风干火腿黑松露忌廉杂菌意大利天使面》净系睇个名咁长都知道无械可击，本身忌廉汁已经为天使带来基本嘅分数，黑松露唔系主角但又好恰如其分地提升了整个𩠌菜嘅味道出嚟，黑松露应记一功，Parma Ham没有什么可以挑剔，好吃就是了。每支球队总有起有跌，没有永远嘅皇者亦没有永远嘅失败者，曼联、车路士、利物蒲、阿仙奴、曼城、热刺亦如是，没有分别，我们为每个努力嘅球队打气！cheers！