影片
更多
2014-10-21
1258 浏览
本人嗜茶，尤对抹茶食品趋之若鹜，知道鸿星集团旗下抹茶概念店-京都抹茶屋喺将军澳中心有分店，特意一探虚实。 餐厅采开放式坐位，处于商场中，只以矮屏分隔，外卖窗口同厨房部份同同集团八重樱锅屋共用。餐厅外布置及身玻璃饰柜，放满食物模型，琳琅满目，令人食欲大增。 正值下午茶时间，喺有限选择下点咗亲子丼，再跟餐叫抹茶奶昔，另点京都宇治抹茶卷蛋。朋友点咗黑芝麻牛奶寒天窝夫同冻LATTE。点完餐，侍应奉上两杯绿色液体，一呷之下，只能称呼为绿茶味水！茶味若有若无，令我即时倒抽一口凉气！ 希望其他食物有惊喜。亲子丼$38中规中矩，普通鸡肉蛋饭，只满足到饱肚嘅目的，唔难食。抹茶奶昔$32(跟餐八折)雪糕同奶昔都系有茶味无茶香，仲要雪糕上枱时而变成比萨斜塔，流落杯边 ，稍一不慎真系成手都系 黑芝麻牛奶寒天窝夫$45上碟时材料各据一方，好似方太教煮𩠌展示材料咁，完全睇唔出系一个整体！！味道平平，不值一提。 京都宇治抹茶卷蛋$15睇相颇吸引，但幻想美丽，现实残酷。蛋卷粗鞋，毫无抹茶味道，忌廉死实，红豆未煮够时间，兼啖而无味，买圣安娜都好食过佢。 冻LATTE$17.5(跟餐半价)做型尚可，但啡底系
本人嗜茶，尤对抹茶食品趋之若鹜，
知道鸿星集团旗下抹茶概念店-京都抹茶屋喺将军澳中心有分店，特意一探虚实。
餐厅采开放式坐位，处于商场中，只以矮屏分隔，外卖窗口同厨房部份同同集团八重樱锅屋共用。
餐厅外布置及身玻璃饰柜，放满食物模型，琳琅满目，令人食欲大增。
正值下午茶时间，喺有限选择下点咗亲子丼，再跟餐叫抹茶奶昔，另点京都宇治抹茶卷蛋。朋友点咗黑芝麻牛奶寒天窝夫同冻LATTE。
点完餐，侍应奉上两杯绿色液体，一呷之下，只能称呼为绿茶味水！茶味若有若无，令我即时倒抽一口凉气！ 希望其他食物有惊喜。
亲子丼$38
中规中矩，普通鸡肉蛋饭，只满足到饱肚嘅目的，唔难食。
抹茶奶昔$32(跟餐八折)
雪糕同奶昔都系有茶味无茶香，仲要雪糕上枱时而变成比萨斜塔，流落杯边 ，稍一不慎真系成手都系
黑芝麻牛奶寒天窝夫$45
上碟时材料各据一方，好似方太教煮𩠌展示材料咁，完全睇唔出系一个整体！！味道平平，不值一提。
京都宇治抹茶卷蛋$15
睇相颇吸引，但幻想美丽，现实残酷。蛋卷粗鞋，毫无抹茶味道，忌廉死实，红豆未煮够时间，兼啖而无味，买圣安娜都好食过佢。
冻LATTE$17.5(跟餐半价)
做型尚可，但啡底系普通料，微酸带涩，雪糕无奶香，同M记无分别
香港不乏抹茶FANS,市场上已经有成功例子，无奈眼高手低，由味道到造型全部马虎了事，既然有抹茶做主题，本身已成功咗第一步，希望主事人可以正视问题，从根本著手改善，唔好辜负乘兴而来客人嘅期望。
张贴
