煌府婚宴專門店

营业中

休息中

姊妹一行十几个，中午时分嚟到全港都好就脚嘅地点尖沙咀聚会，饮茶食晏。唔想两围枱分开坐，就夹硬将两张圆枱拍埋成一个椭圆形，够晒阔落。大中小特顶超点、汤水药膳小菜冷盘主食甜品，乜都嗌埋一餐，仲要系打孖甚至四份噉上，大家一啲都唔客气，打算一于食到十成饱。一路食一路倾...虽然啲点心同每样嘢味道平平冇乜惊艳，但系胜在酒楼嘅环境算系气派，聚会几有氛围，点心大多都买相可观，系用心摆盘（不过有啲点心太过鲜艳夺目, 过咗龙）。侍应服务态度麻麻地。帮手影张相快快手手, 上菜都系拿拿淋。成餐饭不断上菜，成围枱都摆满点心，琳瑯满目，仲要有啲系两层，真系好热闹。大家个个都食饱倾饱喇。