品川日本料理 (已結業)

琴日同朋友去荃湾品川帮衬， 之前有朋友食过觉得唔错所以专登去试下， 起初见到有咁多负评都觉得惊惊哋，但坐低后待应十分有礼讲解用餐时间， 之后当然系第一时间点嘢食啦， 第一转当然系食刺身先啦 ，三文鱼及甜虾、带子呢啲系必食之选， 佢哋嘅刺身非常新鲜， 啲生蚝亦都十分唔错，我同朋友两个起码食咗12只， 之后再点羊架及烧物完全系水准之上， 净系食刺身、生蚝、羊架已经回本， 佢哋上菜速度非常快，落单几分钟啲刺身及生蚝已经到枱值得一赞， 最后食埋雪糕成个人饱晒，呢间放题完全值得再回头帮衬。