香湘辣妹 (已結業)

SPICY GIRL系间好有风格既餐厅，所有菜式都以周杰伦既歌曲为名。虽然如此，但如果落单时讲歌名，侍应唔一定会明架。以下呢道菜叫双节棍（羊肉棍）。听个名已知架势，食落香口、外脆内软，亦无想像中咁油腻，有8/10。1分扣在价钱上（＄25/碌），另1分扣在味道上，太多香料，有少少咸。总体而言，呢道菜系值得推介！串烧虾份量相当够，我地4个人食每人都分到差不多4只虾。起初见佢成盆都系辣椒仲怕会好辣，但系食落又唔系咁辣，而且好香口，味道好足，令人停唔到口好想不停食! 唯一可惜既系D虾比较细只，不过肉质唔错，非常推荐既一道菜! 凉伴木耳一听就知道系前菜嘅凉伴木耳，开头仲怕唔够4人份量，点知黎到分量适中，够晒我地四人作为开胃嘅一道小食。同其他店嘅凉伴小食唔同，呢道菜辣味比较重，但又唔会辣到要不停饮水，而果种辣味又唔会盖过凉伴嘅酸味，可以话系酸辣味嘅调教做得好好。而且呢道小菜上到枱嘅温度带凉，唔同其他店上到枱已经系室温，突出到凉伴嘅效果。总括佢味道同菜色嘅温度，我觉得呢道系一个非常有风味嘅开胃小食，食过一定会再想食！