影片
更多
2021-08-26
73 浏览
大学时期好钟意流连上环山上嘅cafe，经常一杯咖啡一件蛋糕就坐一个下午，静静地睇下readings。可惜而家越来越多打卡cafe，加上香港租金越来越贵，好似少咗好多呢类嘅选择。最近留意到呢间由瑞典人开嘅北欧Cafe－squarestreet KAFFE，就趁住放假同妈咪去食下午茶。Cafe喺上环四方街，文武庙附近，如果唔系特登嚟，应该大部份人都唔会经过吧，单系位置已经令人有一种远离烦嚣嘅感觉。点知𠮶日去到，Cafe嘅冷气竟然坏咗，最估唔到嘅系妈咪二话不说就话唔紧要，心静自然凉。又的而且确，坐低一阵吹住风，又真系唔系太热，我哋𠮶日不知不觉都坐咗2小时呢。年轻店员超friendly，唔单止请我哋饮冻果汁消一消暑，仲同我哋分享外国旅游嘅经历，讲下讲下我都好挂住去旅行嘅日子呀！小店墙身挂满店主自家设计嘅香港地图插画，结合瑞典味道与香港情怀。店内空间不大，一边放咗5－6个座位，另一边则寄卖各式各样生活杂货。虽然餐牌只有一页，食物及咖啡选择不多，但每样都做得出色！Cinnamon Bun ($40)要回忆瑞典口味，点少得肉桂卷？肉桂卷用上老板瑞典recipe，味道非常正宗！肉桂卷好软熟，肉桂味道浓
Cafe喺上环四方街，文武庙附近，如果唔系特登嚟，应该大部份人都唔会经过吧，单系位置已经令人有一种远离烦嚣嘅感觉。
点知𠮶日去到，Cafe嘅冷气竟然坏咗，最估唔到嘅系妈咪二话不说就话唔紧要，心静自然凉。又的而且确，坐低一阵吹住风，又真系唔系太热，我哋𠮶日不知不觉都坐咗2小时呢。
年轻店员超friendly，唔单止请我哋饮冻果汁消一消暑，仲同我哋分享外国旅游嘅经历，讲下讲下我都好挂住去旅行嘅日子呀！
小店墙身挂满店主自家设计嘅香港地图插画，结合瑞典味道与香港情怀。店内空间不大，一边放咗5－6个座位，另一边则寄卖各式各样生活杂货。
虽然餐牌只有一页，食物及咖啡选择不多，但每样都做得出色！
Cinnamon Bun ($40)
要回忆瑞典口味，点少得肉桂卷？肉桂卷用上老板瑞典recipe，味道非常正宗！肉桂卷好软熟，肉桂味道浓郁清香，甜度亦有调节到香港人口味，唔会太甜漏，好好食！
Cardamom Bun ($40)
Cardamom豆蔻系一种香料，第一次食开头都怕呢只香料味会好直接霸道，但原来豆蔻嘅味道系非常清香淡雅！呢度嘅Bun真系做得好好呀，口感扎实又不失松软，口感湿润，香料馅分布均匀，啖啖香甜。
Chokladboll （Chocolate Ball） ($30)
朱古力球用燕麦片、奶油及可可粉整成，再用椰丝盖满，卖相睇落好甜，但可以放心，呢度嘅Chokladboll嘅甜度调整过，完全唔觉甜漏！浓郁幼滑嘅朱古力混合燕麦搓成球体，食落口感十足！
Conspiracy Mocha (different flavors $50/$55/$60)
Mocha用上本地手工朱古力品牌Conspiracy ，有三款朱古力选择，分别系CBD，nutty及spicy。Conspiracy Mocha明显比起其他嘅可可香味更加馥郁！Nutty𠮶款带有坚果香，Spicy𠮶款只有少少辣感刺激味蕾，都几特别！
店员告诉我，呢度嘅咖啡豆都系老板特地喺瑞典空运到港，所以呢个瑞典嘅味道，香港其他咖啡店好难饮到呢！
张贴
