影片
更多
2017-05-26
3446 浏览
今日老友话有间私房菜好正，诚邀我上去试吓，放工之后就二话不说，往尖沙咀奔去。间私房菜唔算难揾，个入口就系喺海防道同埋汉口道交界嘅巨记隔离。一坐低一人一碗老火汤，今日系猪肺红萝卜大白菜汤，碗汤上枱嘅时候仲系热辣辣，一啖入口，家嘅味道即刻涌上心头，巧滚动啊，隔左一阵汤渣送上，猪肺呢样嘢真系好耐都无食过，又要啤几次水又话落醋又再汆水又盛盛盛咁多功夫，老妈子多数唔会整，今日我哋有食神喇。荷叶蒜蓉蒸虾饭，蒸虾入口新鲜弹牙，𠮶只弹牙嘅口感一食就知道系正嘢，只只虾嘅面头都布满蒜蓉同埋香葱，钟意食蒜嘅我就啱哂喇，虾嘅精华喺蒸嘅时候都渗哂落底下啲饭入面，令到啖啖饭都充满著鲜味，yummy。椒盐鲍鱼，鲍鱼只只都成半只手板咁大，上面铺满被爆香嘅椒盐，炸蒜粒，莞茜同埋辣椒，一放上枱已经香气四溢， 鲍鱼口感一啲都唔靭，特别钟意上面嘅椒盐辣得嚟甜甜地，好有个人嘅特色。糟卤炒贵鱼，一听到侍应小姐放低条鱼𠮶阵，介绍呢个系用咗糟卤嚟炒嘅桂鱼已经即刻心心眼，心谂糟卤咪系用嚟整醉鸡𠮶只胆嚟嘅！？ 用糟卤嚟整鱼真系未试过，亦都唔系度度都有得食，果然一啖入口，糟卤嘅香味即刻走匀成个口腔，连鱼肉嘅最深深处都入哂味，我选呢个为今晚
间私房菜唔算难揾，个入口就系喺海防道同埋汉口道交界嘅巨记隔离。
一坐低一人一碗老火汤，今日系猪肺红萝卜大白菜汤，碗汤上枱嘅时候仲系热辣辣，一啖入口，家嘅味道即刻涌上心头，巧滚动啊，隔左一阵汤渣送上，猪肺呢样嘢真系好耐都无食过，又要啤几次水又话落醋又再汆水又盛盛盛咁多功夫，老妈子多数唔会整，今日我哋有食神喇。
荷叶蒜蓉蒸虾饭，蒸虾入口新鲜弹牙，𠮶只弹牙嘅口感一食就知道系正嘢，只只虾嘅面头都布满蒜蓉同埋香葱，钟意食蒜嘅我就啱哂喇，虾嘅精华喺蒸嘅时候都渗哂落底下啲饭入面，令到啖啖饭都充满著鲜味，yummy。
椒盐鲍鱼，鲍鱼只只都成半只手板咁大，上面铺满被爆香嘅椒盐，炸蒜粒，莞茜同埋辣椒，一放上枱已经香气四溢， 鲍鱼口感一啲都唔靭，特别钟意上面嘅椒盐辣得嚟甜甜地，好有个人嘅特色。
糟卤炒贵鱼，一听到侍应小姐放低条鱼𠮶阵，介绍呢个系用咗糟卤嚟炒嘅桂鱼已经即刻心心眼，心谂糟卤咪系用嚟整醉鸡𠮶只胆嚟嘅！？ 用糟卤嚟整鱼真系未试过，亦都唔系度度都有得食，果然一啖入口，糟卤嘅香味即刻走匀成个口腔，连鱼肉嘅最深深处都入哂味，我选呢个为今晚之最。
上汤浸津白，津白入口有劲强烈嘅咸鲜味，跟住先慢慢渗出津白嘅甜，仲以为块金华火腿一定会好咸，但系原来又唔会㖞，金华火腿嘅咸鲜香味悉数出哂落去啲津白度，令到两者都一样咁香。
苹果咕噜肉，用苹果代替菠萝用嚟炒咕噜肉呢个感觉好清新，苹果比起菠萝多咗一份甜味而又少咗一份酸味，啱哂怕酸或者好甜嘅朋友，咕噜肉嘅外边炸得够哂香脆，即使沾满咗酱汁，对佢嘅脆度亦都丝毫无损，呢啲就系功架喇。
张贴
