瑞士咖啡室 (已結業)

地点都算工厂区，方便泊车，门口或隔离有时租车位都得。坐底先发现原来呢到既早餐系去到中午12点！早知早D出黎！差少少就可以试！餐牌同餐厅设计好有特色，叫左个茶餐瑞士鸡翼意粉，配多士火腿奄列。可能时间比较接近午餐，人唔系太多，待应好快同我落order,意粉黎到系同鸡全翼两只分开上。我首先试左鸡翼个味，好香，但入口偏淡，要不停点返个汁去拉返个味~如果味道咸多少少会比较好。火腿奄列就正正常常啦，不过不失，反而系个多士有惊喜，好少仲见到大大块，唔系太㶶仲有温度散出牛油香味既多士！餐饮叫左杯冬柠茶，柠檬唔错，茶可以再浓多少少会比较好。不过份量唔系冰室大大杯饮唔哂个D，系平时水杯洗野个个份量😅我入去个时太热，所以一坐底已经饮哂，要叫多杯野饮，所以叫左杯紫薯红豆，呢杯令我喜出望外😍入口淡淡紫薯味，而且奶好明显唔系平时饮个D cheap 野，冇谂过可以甘夹，另外红豆既比例多到飞起！的确值呢个价钱！单叫$19蚊。系我差唔多走个时，先留意到原来佢地既时日午餐都系瑞士鸡翼饭😂如果茶餐唔饱既朋友可以考虑下叫午餐，价钱都只系$42，无记错的话。餐厅仲提供八达通支付，冇带够钱既朋友八达讲都帮到你😂😂