影片
更多
2009-05-11
87 浏览
每月例会又到，难得小公主星期六朝早要出中环，利用短短时间，大家一齐去发掘新嘅早餐地点，唔通成日都系翠河、翠华、大快活咩.......结果揾到呢间位 于利源西街的茶餐厅，据知唔系开咗好耐，不过地方隐蔽，如果你行经𠮶条街都知到𠮶度嘅格局类似女人街咁，你唔细心留意，会miss咗埋边舖头系会有间几大嘅餐厅。餐厅入面分了两区，入了餐厅一半后，有几级楼梯落到另一半区域，虽然唔系咩华丽格局，但系用色就非常柔和，淡黄配绿色，有田园气色，连櫈都系用上浅啡色，比人一种朝气兼干净感觉。座位空间充足，唔会似其他同区嘅咁迫夹，虽然话都算新，但系内部真系异常清洁，地下墙角都唔会积藏污秽，令你坐得舒服，食得放心。餐牌都系摆在枱面玻璃之下，字体几大之余，排位仲非常简洁，就算老人家去都唔怕睇得辛苦。我地各自叫一个早餐，都系一般正常茶餐厅早餐组合。当落完单后，小公主发觉人地可以转炒蛋时，佢同我讲咗一声，虽然唔系好大声，但系行过嘅伙记都听到，仲要即刻拎转头问我地系咪要改单，侍应反应积极 ，而且上枱之食物亦会帮你摆好位，六都系体贴嘅服务之一，香港茶餐厅少见。讲到食物方面，总括算系中规中距：1. 多士几好，反蛋煎得太老2. 反
结果揾到呢间位 于利源西街的茶餐厅，据知唔系开咗好耐，不过地方隐蔽，如果你行经𠮶条街都知到𠮶度嘅格局类似女人街咁，你唔细心留意，会miss咗埋边舖头系会有间几大嘅餐厅。
餐厅入面分了两区，入了餐厅一半后，有几级楼梯落到另一半区域，虽然唔系咩华丽格局，但系用色就非常柔和，淡黄配绿色，有田园气色，连櫈都系用上浅啡色，比人一种朝气兼干净感觉。
座位空间充足，唔会似其他同区嘅咁迫夹，虽然话都算新，但系内部真系异常清洁，地下墙角都唔会积藏污秽，令你坐得舒服，食得放心。餐牌都系摆在枱面玻璃之下，字体几大之余，排位仲非常简洁，就算老人家去都唔怕睇得辛苦。
我地各自叫一个早餐，都系一般正常茶餐厅早餐组合。当落完单后，小公主发觉人地可以转炒蛋时，佢同我讲咗一声，虽然唔系好大声，但系行过嘅伙记都听到，仲要即刻拎转头问我地系咪要改单，侍应反应积极 ，而且上枱之食物亦会帮你摆好位，六都系体贴嘅服务之一，香港茶餐厅少见。
讲到食物方面，总括算系中规中距：
1. 多士几好，反蛋煎得太老
2. 反而炒蛋颇滑，最重要系佢唔似得其他快餐因为加咗大量嘅奶至可以煮得咁滑，难得难得。
3. 餐肉意粉嘅餐肉系略厚，而且汤底有味，感觉良好
4. 火腿通粉普通
5. 奶茶的茶味唔够浓
6. 柠水
Comments: 话哂都系中环闹市中心，以呢个价钱收费合理，起码系你平时食开嘅本地早餐组合。
张贴
