瑪寶鮮

营业中

休息中

玛宝鲜海鲜酒家 飮茶点心套餐又系星期日饮茶食点心时间，叫咗$138午市套餐，两笼点心加碟牛肉炒面，再赠送多笼甜品，连茶费再加一，实付$191，以尖沙咀地段，属于优惠街坊价。食物质素就一般般，牛肉炒面卖相虽然睇得下，但上枱时唔系热气腾腾𠮶种温度，似乎唔系头镬亲自下厨，牛肉及炒面份量都可以，牛肉较为烟靭，有少少咬口，食物温度唔够，立即大打折扣。三笼点心温度就正常，虾饺皮唔够烟韧，一夹就散，唔知系唔系冇咗竹笋馅，虾饺缺乏口感。至于蒸排骨份量就真系唔多够，只系有排骨加蒜蓉，味道还可以，排骨有一半腍一半韧，而红枣糕就可以唔使多讲啦！茶楼卫生整体算合格，枱与枱之间位置较为相近，服务态度有礼亲切，比一般酒楼更好。