影片
更多
2022-05-02
79 浏览
🇫🇷Bistro Breton 📍西环德辅道西321号瑧璈地下3号舖 -----搭叮叮路经德辅道西嘅新楼瑧璈，眺望欣赏楼盘之际，发现楼盘地面开咗一间西餐厅，一袭落地玻璃清漆通透，望到餐厅内部装潢精致且非常宽敞，感觉用餐环境不错，所以一到周末就急不及待过黎一试。一如从外而内地观望，餐厅内部空间感十足，里面仲有一个小酒窖🍾，摆满多种法式红酒🍷，供客人买走或于餐厅内饮用。🐙Octopus Carpaccio $138片片细薄如纸嘅章鱼片，甚考刀功，切法巧妙地增加咗章鱼同条脷嘅接触面，令章鱼更显鲜味。一啖带有黑加仑子香甜味嘅KIR BRETON🥂，一啖Octopus，开胃清新。✨ Tiger Prawns served with rice $158只只新鲜大虾🦐浸泡于以柠檬蒜头调配而成嘅辣油🌶️当中，爽弹非常，带辣香却不带辣呛，配搭干爽白米饭🍚一碗，甚有中西合璧嘅感觉，调味简简单单不复杂，反而能够将虾嘅鲜味逼得更出。✨ French Seabass Meuniere $228轻煎过嘅Seabass🐟表面带微微薄脆，内里则鱼质滑溜，撒上法式独有嘅Beurre noisette酱汁，散发淡淡🍋柠檬清
📍西环德辅道西321号瑧璈地下3号舖
-----
搭叮叮路经德辅道西嘅新楼瑧璈，眺望欣赏楼盘之际，发现楼盘地面开咗一间西餐厅，一袭落地玻璃清漆通透，望到餐厅内部装潢精致且非常宽敞，感觉用餐环境不错，所以一到周末就急不及待过黎一试。
一如从外而内地观望，餐厅内部空间感十足，里面仲有一个小酒窖🍾，摆满多种法式红酒🍷，供客人买走或于餐厅内饮用。
🐙Octopus Carpaccio $138
片片细薄如纸嘅章鱼片，甚考刀功，切法巧妙地增加咗章鱼同条脷嘅接触面，令章鱼更显鲜味。一啖带有黑加仑子香甜味嘅KIR BRETON🥂，一啖Octopus，开胃清新。
✨ Tiger Prawns served with rice $158
只只新鲜大虾🦐浸泡于以柠檬蒜头调配而成嘅辣油🌶️当中，爽弹非常，带辣香却不带辣呛，配搭干爽白米饭🍚一碗，甚有中西合璧嘅感觉，调味简简单单不复杂，反而能够将虾嘅鲜味逼得更出。
✨ French Seabass Meuniere $228
轻煎过嘅Seabass🐟表面带微微薄脆，内里则鱼质滑溜，撒上法式独有嘅Beurre noisette酱汁，散发淡淡🍋柠檬清香，仲有牛油及坚果香气，加上少许帮助提味清腻嘅绿色咸酸豆，整体味道层次丰富多变，连带铺底嘅菠菜味道亦变得不平凡。
✨Profiteroles $98
✨ La Suzette $108
法餐又点少得甜品做收结。（Profiteroles）Puff pastry撒上海量朱古力酱🍫同少许杏仁片，再夹住一大球云尼拿雪糕，味道可想而知，系绝对稳阵唔会唔好食，但若论特色度，就当然不及后者。
法式火焰薄饼（La Suzette）系法式甜点嘅经典之一。望住服务员将橙酒🍊撒于Pancake上，瞬间蓝色火焰四起，火光令暗暗地嘅餐厅环境多了几分浪漫及灿烂，空气亦速弥漫阵阵柳橙香气，未食之前，视觉及嗅觉已先享受了一番。味道方面，食落带独特酒香，甜中带酸，酸又带少许橙皮甘苦味中和甜腻，质感柔软湿润，啖啖散发🍽法式魅力，为整餐带来完美收结。
👶🏻B仔整体评价：8.1/10个👍🏻
👶🏻B仔抵食程度：7/10个👍🏻
👶🏻B仔服务评分：8.5/10个👍🏻
👶🏻B仔环境评分：8/10个👍🏻
👶🏻B仔味道评分：8.5/10个👍🏻
👶🏻B仔回头机会：8.5/10个👍🏻
-----
#swallowhongkong
☺️快D跟住B仔一齐吞食香港啦！🤤
#swallowsaiyingpun
张贴
