六公館

营业中

休息中

环境、服务、食物质素、景观都系好嘅👍🏻要靓景嘅话真系日头同黄昏时间系睇得好啲，夜晚情调气氛唔错。鲜柚子雪场蟹脚，酸酸甜甜好清新好开胃。法国龙眼蜜煎金蚝，有三只金蚝，甜甜地，个味道调控得好好，唔会太甜。八味金砖豆腐👍🏻👍🏻，豆腐够晒滑，不过两个人食都有啲太多。苏姜蟹肉蒸斑球，超大旧斑球超多蟹肉👍🏻👍🏻，好味。斑片肉松脆米鱼汤泡饭👍🏻👍🏻👍🏻，我超钟意呢个鱼汤，每人食咗两碗都仲有净。腐竹慕丝配山梅啫喱👍🏻👍🏻👍🏻最惊喜系个甜品，腐竹mousse 好浓豆味好正😍😍😍个raspberry 酸酸地，帮助一下消化真系perfect👍🏻PS. 嚟呢度要靠自己衡量一下食到几多，唔驶问staff建议。🤣🤣我哋落单前有问过侍应其实两个人叫呢度咁多嘢食会唔会太多，佢话其实可以，但系结果我哋食净好多嘢。PPS. 建议大家先睇吓两个Menu有咩饮先，因为如果一开始就开支水饮嘅话其实都唔使饮其他嘢。PPPS. 同朋友叙旧，两个人倾下计唔错，食物质素几好，见到都几多人系黎庆祝特别日子。佢呢度胜在有cocktail又有正餐有茶饮，你想chill d 饮下野都可以。不过日头先有点心😂。