井巷子 by 鋒膳 (已結業)

朋友住呢头，一行四人book左呢间米芝连推荐餐厅食中菜！入到黎都几静，安排左卡位比我地，适合倾计😌。菜色系出面都比较少见凉拌泡椒小龙虾配米线- 龙虾仔既肉虽然唔多，但就算泡左系辣汁入面仍然食到阵鲜味，米线浸左系冻既凉拌汁入面，口感好弹牙。西班牙向日葵甘栗叉烧厚切既叉烧带少许㶶边，唔算肥但又烧到好腍，出色！豆酥乌贼炸粉好薄，好酥脆，食唔停。黑蒜螺头雪莲子炖班骨唐排滋阴养颜既汤水，甜甜地无乜油。片皮鸭独特既金奇异果同蜜瓜夹料加上用苹果木烟熏既片皮鸭，感觉好新颖，又几夹！鸭髀店员拎左入去一开四点酸梅酱，又另一番风味！剁椒酸菜酒香黑白切自家种植既剁椒加上自泡酸菜，无出面既酸菜咁咸，同豚肉同猪肠炒埋一齐超惹味！辣子鹌鹑第一次食，有少少膻味，望落似鸡扒，比我想像中无咁辣。百合绿豆沙清热解毒，透心凉！定价唔算平，但无论位置、环境、食物质素、服务都一流！服务员几畅谈，会同我地介绍菜色，又分享拎货来源，最后仲比左月饼我地试，十分愉快既一餐！