泰道 (已結業)

啱啱买咗架新车🚗，同老婆入去西贡游车河，今日天朗气清，蓝天白云，好适宜去有戸外嘅餐厅，就选择咗有海景嘅泰国菜，泰道，其实已经食过几次，个海景180度，超级休闲，好似去咗旅行咁，我哋还入去前10分钟，已经叫佢烧定半只泰式烧鸡，因为上次等左半个钟头，侍应推介呢个真系不得了，好食到痴线！有炭烧味道，鸡肉完全滑，好的食呀！泰式生虾，虾都好大只，食得出唔系生虾，可能系急冻死虾，但系个汁做得好好，可以弥补不足，咖喱海鲜，味道中中庸庸，我还叫咗蒜蓉包，用来点加喱一流，老婆仲忍唔住叫咗杯生啤酒🍻好可惜我揸车唔可以饮酒，我就叫咗杯芒果沙冰，都唔错！超级大杯，优休闲闲一个下午，价钱唔会太平，两个人食咗七百几，但我觉得今时今日，又有靓景，又可以免费泊车，好过市区食饭啦