鬼滷 (已結業)

今日同屋企人去咗铜锣湾食晚餐，餐厅环境好好，骤眼睇以为食西餐，原来系食卤味！佢哋嘅前菜竟然系爆谷，不过又甜又脆，又真系几适合作为开胃小食。椒盐普宁豆腐，豆味好香好滑溜，外脆内软，椒盐够晒惹味。可以试下点韭菜盐水，咸鲜微辣，风味独特。潮式方鱼BB西兰花，西兰花好爽口，方鱼细细粒容易咬。潮式卤水拼盘，拣咗卤水鹅肉、鹅肠、猪仔脾，卤水用咗蜜枣、八角、肉桂等调味，上菜嘅时候用火热住保暖，非常贴心。拼盘都有卤水豆腐，相对普宁豆腐硬身，系另一种风味。第一次食卤水猪仔髀，感觉新鲜，肉质几嫩，鹅肠爽口，鹅肉结实又唔会太肥。兰王蛋蚝饼蚝饼，用咗兰王蛋，蛋味好浓郁，上面加咗少少木鱼，即刻变咗日式风味，好似食紧大阪烧咁。蚝仔又多又大粒，可以做到一啖蚝一啖饼，好过瘾。韮菜鸭血，闻落好香麻辣味，但又唔会太辣，反而香麻味会慢慢渗出嚟，点到即止。鸭血好弹牙，加埋新鲜嫩滑嘅韮菜，非常出色。