Fifty Fifty (已結業)

又系同姊妹们一个月一次嘅聚会。今次简咗嚟长沙湾嘅Fifty fifty，贪佢近地铁站之余又唔会好似旺角咁多人，可以倾下计打下卡。Menu 主菜同饮品嘅选择唔少，主打西餐。主菜加$20就会配埋餐汤、饮品同甜品。我觉得都几值得加，因为个餐汤几好饮，而且佢依边嘅野饮好多都过$20，变相有赚。玫瑰水果茶 ($38/热，$40/冻)苹果同玫瑰味都几重，唔会好甜，解渴得嚟仲好适合打卡。是日餐汤跟套餐配嘅，依个系黑松露磨菇汤，黑松露味几重，饮得出系自己煮嘅磨菇汤，而唔系罐头汤，因为有好多磨菇粒。小食拼盘($118/四人份)样样都系热辣辣嘅，样样都好好食，最特别系佢地鸡翼系单骨嘅，食起上嚟好方便。法式烧春鸡配巴黎牛油汁 ($108/半只)依个系我叫嘅，肉质嫩滑得嚟又juice，个皮好薄好脆。薯蓉好creamy，调味亦唔错，几推荐大家叫。是日甜品我简咗雪糕，今日系朱古力味雪糕，好重朱古力味，有朱古力嘅野实好食。