陳儀興尚潮樓 (英皇道)

营业中

休息中

📍今日同屋企人食潮州菜，呢间菜馆坐得舒服又幽静，店员礼貌亦非常好，同长辈嚟食都系唔错选择。嚟到会先有功夫茶同咸酸菜比我哋，咸酸菜麻油味好香浓，食落好香好开胃！叫咗招牌鹅三宝($298)，入边有鹅肝、鹅肠同埋鹅肉，卤水汁唔太咸，点埋醋同埋辣椒油就更加惹味。头抽煎英䲝($488)煎得外皮香脆，但系又可以封住入边嘅汁，鱼肉口感嫩滑，我哋都觉得呢个鱼做得好出色。另外叫碗潮式鱼丸肉碎煮汕头白($228)，面头有八粒大鱼蛋，鱼蛋好香胡椒味又冇鱼腥味，个味道会比较浓味。咸菜花蛤汤($78)本身都惊过味道会比较咸，但系因为加咗蕃茄入去，又带少少酸甜味都几开胃，大家都适合饮！