夢工房西日料理 (已結業)

最近工作都好忙碌，终于揾到时间去食好嘢啦，今次嚟到葵芳觅食，呢间梦工房西日料理，喺外面望入去装修已经好吸引，就试吓佢啦。呢度嘅食物种类同一般嘅放题都差唔多，大家可以填纸任意拣自己钟意食乜。呢度特别嘅系有爆谷机添啊，当你等紧食物未到嘅时候，可以食住爆谷同朋友倾住计先首先我哋叫咗寿司先，呢度寿司嘅饭量唔算太多，刺身薄切，食完都唔会话好饱，可以试多少少唔同嘅款。跟住就叫咗鸡软骨串烧，火候掌握得啱啱好，食落去好爽口。再有少少椒盐系面，味道岩岩好！烧蚝有两款唔同嘅口味，有蒜蓉同埋芝士，两款都试左，蚝肉质厚，蒜蓉带出咗鲜味，芝士食落去都唔流。呢度比起一般放题特别嘅系，有埋打边炉，有啲蔬菜同埋丸嘅配料可以自己自助拎，而其他肉类就可以落单。肥牛肉同埋脂肪嘅分配都几好，切得都够薄，肉质鲜嫩，10秒就可以食得啦！最后点少得甜品呀，呢度有雪糕机可以自己整雪糕，同埋有好多唔同嘅雪条，仲有甜品柜！ 钟意食咩款都有！