影片
更多
2019-06-07
947 浏览
女友最爱食半自助餐，但半自助晚餐唔系好多地方有，上网揾到呢间"My Day"近期推出石烧半自助晚餐，梗系要俾个surprise佢。餐厅位于美丽华商场食四方6楼，由于平时系用黎做婚宴场地，店内装修得高贵浪漫，如果想book半自助晚餐，就要碰碰运气睇下当晚有冇婚宴喇。自助前菜吧有好多选择，沙律有罗马生菜、生菜、粟米、蕃茄、烟肉粒等等，酱汁方面都有成４款拣，除咗沙律外，亦有烟三文鱼、泰式凤爪及海蜇等，其中海蜇非常入味及爽口，作为前菜一流。熟食有炸春卷、咖喱角、焗蚝及带子，当中焗蚝以洋葱及烟肉一齐焗，味道唔会太咸，但始终黎紧有海鲜拼盘同主菜，都唔敢食得太多。汤有中汤及西汤选择，西汤系甘笋忌廉汤，而中汤系淮山杞子螺头煲鸡汤，火喉十足，非常足料，饮落味精不多，唔会有口渴嘅感觉。食到咁上下，海鲜拼盘来了，有龙虾、海虾、翡翠螺、松叶蟹脚同青口，卖相非常吸引，每一样都好新鲜，龙虾肉质弹牙，亦都好重海水味，翡翠螺亦都好爽口，剩系呢个拼盘都已经值回票价。食完前菜及海鲜拼盘后，主菜嘅石烧终于登场了。我地分别拣咗烧挪威三文鱼柳，象拔蚌，扇贝配忌廉面豉汁及石烧肉眼扒配香草烧汁。店员会先将两道菜轻微煮熟，再由我地自
餐厅位于美丽华商场食四方6楼，由于平时系用黎做婚宴场地，店内装修得高贵浪漫，如果想book半自助晚餐，就要碰碰运气睇下当晚有冇婚宴喇。
自助前菜吧有好多选择，沙律有罗马生菜、生菜、粟米、蕃茄、烟肉粒等等，酱汁方面都有成４款拣，除咗沙律外，亦有烟三文鱼、泰式凤爪及海蜇等，其中海蜇非常入味及爽口，作为前菜一流。
熟食有炸春卷、咖喱角、焗蚝及带子，当中焗蚝以洋葱及烟肉一齐焗，味道唔会太咸，但始终黎紧有海鲜拼盘同主菜，都唔敢食得太多。
汤有中汤及西汤选择，西汤系甘笋忌廉汤，而中汤系淮山杞子螺头煲鸡汤，火喉十足，非常足料，饮落味精不多，唔会有口渴嘅感觉。
食到咁上下，海鲜拼盘来了，有龙虾、海虾、翡翠螺、松叶蟹脚同青口，卖相非常吸引，每一样都好新鲜，龙虾肉质弹牙，亦都好重海水味，翡翠螺亦都好爽口，剩系呢个拼盘都已经值回票价。
食完前菜及海鲜拼盘后，主菜嘅石烧终于登场了。我地分别拣咗烧挪威三文鱼柳，象拔蚌，扇贝配忌廉面豉汁及石烧肉眼扒配香草烧汁。店员会先将两道菜轻微煮熟，再由我地自己根据喜好放上石板烧来决定熟度。
烧挪威三文鱼柳，象拔蚌，扇贝配忌廉面豉汁 :三文鱼柳经石烧后，外皮烧得香脆，鱼肉充满石烧香味，忌廉面豉汁味道香浓，但唔会盖过三文鱼鲜味，象拔蚌及扇贝经烧过后带微焦，但肉质仍保持鲜嫩，伴碟嘅忌廉薯蓉味道微甜，配海鲜食一流。
石烧肉眼扒配香草烧汁 :肉眼扒上台时已经煮到２—３成熟，再由我地轻微烧过后已经可以入口，牛肉肉质鲜嫩多汁，牛味好浓，自己控制熟度真系最好。
食完主菜后虽然饱饱地，但见到咁精致嘅甜品又点可以唔试呢？每一样都唔会太甜，食多几件都唔会觉得好漏。最后配上即磨咖啡，为我地嘅晚餐划上完美嘅句号。
张贴
