翠玉軒

营业中

休息中

在交易广场中，地点方便，内里环境令人感觉舒服放松，但服务水准一般，食物一般，浪费了个地方。食物分3轮叫，叫服务会比较困难，起码叫4，5次先有人行到埋身，本人燥底，有少少火。一开始叫了煲老火汤，以及3个前菜。才7点15分，怀旧金钱鸡已经冇货。第2轮，7点20左右，已经有部分菜式冇货。第3轮，8点，本来想叫花雕蒸虎虾，个侍应话要等半小时，见我们仲考虑，又话要超过半小时。真系同我唔识野，喂15分钟酒，蒸3分钟，等半小时都有多啦，仲话要等超过半小时，即系叫我们不要点啦。好，转咖喱牛面，这次仲利害，侍应同我地讲，因为即炆，要等45分钟以上。算啦，咁叫个炒饭，半只脆皮鸡食饱就走。其实我觉得如果这里𩠌菜存货少又要等得长时间，不如在菜单上列明每日限量，以及制作时间，令客人点菜时有个心理准备。如果我知样样都冇货，我订位时就已经落埋单啦。因为冇叫鲍参翅肚，价钱方面都算经济，7个人才3000左右，信用卡还有折扣，每个人三百几。但讲真，在这位置上食饭，我会预算每人五百至壹千，但食物水准同服务水准反而系重点。我要经济我就不会在这里食啦。