影片
更多
2016-11-19
2608 浏览
本来开开心心陪屋企人去尖沙咀海港城想揾位饮茶，点知星期六太多人，揾唔到位，就黎左呢间新开既试下好唔好食，系门口见到鬼佬食饭，我谂呢度都算高级吧，点知我坐低一睇menu，价钱好离地，离地都唔紧要，我都比得起，但最紧要价钱同食物质素要吻合，比如160蚊既饭，我只系食得到80蚊既味道，即系点完之后，食物出黎既卖相，味道都真系好普通，好大众化，食物样样好细，烧卖细，饭细，包又细，乜都细，总之冇任何特别惊喜，雪山叉烧包细过我去大陆食既阿驹私房菜，食物贵之余，绝比不过八月轩 or 尖沙咀既鼎泰丰，唯一正面评价就系食物既温度真系好热，但味道同稻香差唔多啦⋯⋯唯一安慰既地方，系食物出黎至少未算摊冻，有d食物出黎都好热，可惜呢种所谓高级既餐厅骗唔到我既味觉，只系可以呃到鬼佬以为好食，价钱好唔抵。侍应方面，我谂态度佢地都想做好既，我估佢地系无意得罪左我姐，佢地有三个小动作。第一，我入黎佢问我姓咩，我无奈我系即时黎排队等食，你问我姓咩⋯⋯（佢意思我谂佢认为入得黎既都系得订枱？好笑）第二，我地食饭唔够饱，再点多个烧卖，佢地就问：（d食物黎齐未，出面好多人排紧队），系度赶客走，可能我点太平太少了？！问题你连加单
唯一安慰既地方，系食物出黎至少未算摊冻，有d食物出黎都好热，可惜呢种所谓高级既餐厅骗唔到我既味觉，只系可以呃到鬼佬以为好食，价钱好唔抵。
侍应方面，我谂态度佢地都想做好既，我估佢地系无意得罪左我姐，佢地有三个小动作。
第一，我入黎佢问我姓咩，我无奈我系即时黎排队等食，你问我姓咩⋯⋯（佢意思我谂佢认为入得黎既都系得订枱？好笑）
第二，我地食饭唔够饱，再点多个烧卖，佢地就问：（d食物黎齐未，出面好多人排紧队），系度赶客走，可能我点太平太少了？！问题你连加单既烧卖都未上，我地点走？坐系度都令我产生左无形压力，无谂到咁classy既地方都催人卖单。
第三，我地点多件烧卖好耐先到，中途仲有个待应行过黎问系咪食完，见佢只手收紧我地张枱，我地先立即叫停佢，同佢讲烧卖未黎。总结：侍应好多小动作冇礼貌。
我地等紧烧卖点左六样点心，同个炒河粉加埋服务贵勉强602蚊埋单，但食到既食物好大众普通冇咩特别，比唔过我平时系旺角食开既八月轩，我意思系以同样价格黎讲，肯定602 系其他餐厅三个人都已经可以食到好食好饱。
呢间野食环境唔系食 食物，食物，十分我比5-6，环境10分比9分。
40 浏览
1 赞好
0 留言
张贴
