玉蕾 (已結業)

我为食猫半夜瞓唔着，谂起寻日中午到红磡海名轩嘅「玉蕾」饮茶十分回味，先同大家分享下玉蕾嘅装修同景色先，大家觉得靓唔靓？侍应先来一壶靓香片，一面欣赏窗外维港靓景，一面品尝两碟餐前小吃，竹荀烤麸及酱油萝卜，由于太肚饿关系，碟萝卜忘记拍照已放咗入肚，两碟小吃味道唔错，萝卜加XO酱一同吃味道很配合！ 每次饮茶当然唔少得我至爱嘅虾饺啦！虾饺很大只，一囗咬落去，鲜虾味立即涌出，满足我每一棵味蕾，一个字「正」！再来一笼赛螃蟹饺，味道同虾饺差不多！虾多士，用一块面包铺上海苔、干䓤、芝麻，再在面包中夹入虾胶后炸至金黄色，没有油腻感觉，很松化，卖相一流！玉蕾——食完啲点心都唔系好够喉，于是点咗一笼鳕鱼瑶柱雪菜笼仔荷叶饭，啲饭系日本珍珠米，先将饭与鸡蛋炒香，再放入笼仔铺上鳕鱼瑶柱日本雪菜用荷叶包住蒸，饭炒得很干身，炒饭本身味道淸淡，食到啖啖蛋香，配埋瑶柱雪菜同食，味道刚刚好唔咸，鳕鱼啖啖肉，很好味！玉蕾——最后梗系要食埋甜品啦！杏汁包热辣辣，咬开类似菠萝包外层里面流出白色杏汁，杏汁唔太甜，不过略嫌杏仁香味不够浓！