影片
更多
2018-10-18
584 浏览
𠮶日因为系朋友生日，我地食豪啲，就去食左呢间爱尔兰餐厅。比起本地人，更多外国人帮衬，再加上昏暗嘅色调同较为宁静嘅餐厅气氛，感觉好浪漫。餐厅共两层，楼下系bar位，仲有大screen睇波。而楼上就系餐厅。所有staff都系讲英文，但香港嘅朋友仔唔使太担心，份Menu系有中文嘅。首先上嘅系海鲜周打浓汤。浓汤料多，龙虾、大虾、蚬肉同三文鱼样样齐，海鲜味鲜甜，配岀白汁嘅浓而不咸嘅味道，非常夹。前菜则系烟三文鱼及羊奶芝士配酵母包。烟三文鱼鲜甜厚肉，咸得岩岩好，唔会盖住羊奶芝士嘅味。而羊奶芝士唔咸唔淡，但又有些小羊膻味，非常适合唔食膻味嘅朋友。主菜有两种，分别系美国顶级12安士西林牛扒同野菌黑松露阔条面。前者选择咗5成熟配薯蓉。爱尔兰薯蓉便是主食，薯蓉加上香草非常野味，但咸淡适中，唔会食第一啖无味，食最后一啖咸。而牛扒更系精髓，口感鲜嫩，肉汁嘅鲜味亦都完美keep到，一切汁流哂岀来，非常juicy。而阔条面有好重嘅黑松露，世界上应该无咩材料加黑松露系唔好味嘅。另外面头仲加左d意大利软芝士，呢个配搭系绝配，未试过咁嘅配搭系唔好味嘅。最后甜品上左个招牌香浓朱古力蛋糕。热朱古力蛋糕嘅甜腻味，配上冻而解腻
比起本地人，更多外国人帮衬，再加上昏暗嘅色调同较为宁静嘅餐厅气氛，感觉好浪漫。
餐厅共两层，楼下系bar位，仲有大screen睇波。而楼上就系餐厅。所有staff都系讲英文，但香港嘅朋友仔唔使太担心，份Menu系有中文嘅。
首先上嘅系海鲜周打浓汤。浓汤料多，龙虾、大虾、蚬肉同三文鱼样样齐，海鲜味鲜甜，配岀白汁嘅浓而不咸嘅味道，非常夹。
前菜则系烟三文鱼及羊奶芝士配酵母包。烟三文鱼鲜甜厚肉，咸得岩岩好，唔会盖住羊奶芝士嘅味。而羊奶芝士唔咸唔淡，但又有些小羊膻味，非常适合唔食膻味嘅朋友。
主菜有两种，分别系美国顶级12安士西林牛扒同野菌黑松露阔条面。前者选择咗5成熟配薯蓉。爱尔兰薯蓉便是主食，薯蓉加上香草非常野味，但咸淡适中，唔会食第一啖无味，食最后一啖咸。而牛扒更系精髓，口感鲜嫩，肉汁嘅鲜味亦都完美keep到，一切汁流哂岀来，非常juicy。
而阔条面有好重嘅黑松露，世界上应该无咩材料加黑松露系唔好味嘅。另外面头仲加左d意大利软芝士，呢个配搭系绝配，未试过咁嘅配搭系唔好味嘅。
最后甜品上左个招牌香浓朱古力蛋糕。热朱古力蛋糕嘅甜腻味，配上冻而解腻嘅云尼拿雪糕，简直就系极与极嘅享受，矛盾得来又非常夹。唯独云尼拿无哂之后，单食朱古力就会甜到顶唔顺。
张贴
