金記冰室 (已結業)

朋友住附近，无意中黎试左呢间金记冰室，一入门口宽敞，有好多卡位，感觉舒服。餐牌都新净企理，饭都好多款式，本来谂住试下西多，点知原来只系晏昼先有得供应😂之后我地就叫左个set dinner铁板牛扒，set仲有汤同半货加特饮，咁紧系要特饮啦，我地仲叫左两杯黑牛，出面好少有得饮，我地前后仲一人两杯😂😂牛扒大大块，仲可以自己倒汁，重点系薯条系即炸，仲有盐粉，好好味😋食完想再食，但想再单嗌薯条就无了。之后再叫个沙姜鸡饭，沙姜鸡唔错，份量ok，个汁够味上面又劲多芝麻，我好钟意食芝麻🤣食完都好似未够喉，见到有鸡髀饭，但唔想食饭，于是叫人地帮我地鸡髀蛋饭走饭丫唔该😂😂最后满足埋想食鸡髀既欲望☺️20:45就要清场，我地岩岩好食饱，点知一出门口落大雨，好彩出面好多的士，搭到西铁都唔贵，好方便丫😊