影片
更多
2022-05-06
674 浏览
今晚去利东揾食，朋友介绍有间串烧黄店，听讲贵少少但质素好好。中大伏，极度怀疑店主唔识煮饭又想开店，觉得串烧唔使技术，就选择做。大佬，开餐厅需要诚意。七点入店，发现无食客，只有零星顾客入嚟买外卖，但明明附近其他餐厅都好爆。坐低后，一阵清洁剂味扑鼻而来，忍唔住问店员：「厕所系咪喺舖头入面？？」之后落单叫咗：鸡肉串x2 鸡皮串x2 猪颈肉x2 鸡翼x1 扇贝x2 蛏子皇x2 青口x1份 吊桶仔x2 稻庭乌冬x2 牛舌x2埋单$488首先稻庭乌冬我真系呆咗，煮到溶溶烂烂，兼且汤底系鸡粉沟水，上面加啲葱花。盛惠26蚊！肉类总括而言，外面烧成炭，入面又唔太热，好明显系未解冻够就拎去做串烧。加上酱汁同㶶边，又苦又咸！海鲜因为喺香港仔街市隔离，较大只同新鲜，但同样都系火候问题，贝壳都烧成炭。我完全唔明点解可以烧到咁㶶？？面头cover超厚一层李锦记现成蒜蓉，又系劲咸劲苦！食到中途忍唔住出去买咗一支水。 $488，食完觉得完全唔值呢个价！比朋友呃咗！其实呢个价可以去食fancy啲嘅餐厅！！至少唔会有清洁剂味啰！！
七点入店，发现无食客，只有零星顾客入嚟买外卖，但明明附近其他餐厅都好爆。坐低后，一阵清洁剂味扑鼻而来，忍唔住问店员：「厕所系咪喺舖头入面？？」
之后落单叫咗：
鸡肉串x2 鸡皮串x2 猪颈肉x2 鸡翼x1 扇贝x2 蛏子皇x2 青口x1份 吊桶仔x2 稻庭乌冬x2 牛舌x2
埋单$488
首先稻庭乌冬我真系呆咗，煮到溶溶烂烂，兼且汤底系鸡粉沟水，上面加啲葱花。盛惠26蚊！
肉类总括而言，外面烧成炭，入面又唔太热，好明显系未解冻够就拎去做串烧。加上酱汁同㶶边，又苦又咸！
海鲜因为喺香港仔街市隔离，较大只同新鲜，但同样都系火候问题，贝壳都烧成炭。我完全唔明点解可以烧到咁㶶？？面头cover超厚一层李锦记现成蒜蓉，又系劲咸劲苦！食到中途忍唔住出去买咗一支水。
$488，食完觉得完全唔值呢个价！比朋友呃咗！
其实呢个价可以去食fancy啲嘅餐厅！！至少唔会有清洁剂味啰！！
热汤稻庭乌冬
$26
18 浏览
0 赞好
0 留言
16 浏览
0 赞好
0 留言
9 浏览
0 赞好
0 留言
烧鸡翼
7 浏览
0 赞好
0 留言
水
16 浏览
0 赞好
0 留言
张贴
